Memorandým el astanasyndaǵy týrıstik klasterdi básekege qabiletti etip, tarıhy, dástúri men mádenıeti baı Qazaqstanǵa sheteldik týrısterdi tartýǵa yqpal etpek.
«Astana Balet» Qazaqstan astanasynyń týrıstik brendine aınalýdy kózdeıtin úlken joba. Qazaqstandyqtar men sheteldik týrısterdi «Astana balet» teatrynyń tynys-tirshiligimen tanystyrý mádenıet salasynda sheteldik meımandardy qyzyqtyratyn tyń joba bolmaq.
Teatr Qazaqstannyń Tuńǵysh prezıdenti – Elbasy Nursultan Nazarbaevtyń bastamasymen qurylǵan. Teatr repertýarynda san-alýan janrdaǵy baletter men konserttik baǵdarlamalar bar: klassıka men neoklassıkadan bastap, contemporary men ulttyq bıge deıin. Repertýar Qazaqstan, Reseı, AQSh pen Germanııa, Qytaı men Brazılııanyń áıgili baletmeısterleri qoıǵan jıyrmadan astam spektaklden jasaqtalǵan. Klassıka, neoklassıka men halyq stılinde jasalǵan horeografııalyq mınıatıýralardan turatyn bul qoıylymdar «Astana Balet» teatryn týrpaketke qosýǵa múmkindik beredi.
Osy kúni týrızm álemdik ekonomıkanyń qarqyndy damyp jatqan salasy. Týrıster barǵan aımaǵynyń arhıtektýralyq eskertkishterimen, mádenı erekshelikterimen tanysýǵa asyq. «Astana Balet» – ekskýrsııa júrgizetin ǵajaıyp ǵımarat. Ol jas shamasy árqıly týrısterdi qyzyqtyratyny aıan. Álemniń kez kelgen jerinen kelgen meıman úshin, teatr ǵımaraty mádenı týrızm nysanyna aınalmaq. Teatrǵa kelip, kórermen yqylasyna bólengen shyǵarmashylyq ujymmen tanysý – elimizdiń horeografııa óneriniń tarıhymen de tanysý. Teatrǵa kelý – mádenı-tanymdyq, etnıkalyq jáne oıyn-saýyq týrızmin jandandyra túseri anyq.
ALMATY
