Rýhanııat • 09 Sáýir, 2019

Qyzdar ýnıversıteti «75 jylǵa – 75 ıgilikti is» jobasyn bastady

1059 ret kórsetildi

Qazaq ulttyq qyzdar pedagogıkalyq ýnıversıtetiniń 75 jyldyǵyna oraı arnaıy ekologııalyq joba bastaý aldy. Bul týraly oqý ornynyń Baspasóz jáne qoǵammen baılanys bóliminiń basshysy Jandar Asan málimdedi.

«75 jylǵa – 75 aǵash» dep at qoıyp aıdar taqqan shara Almaty qalasyndaǵy hımııa-bıologııa baǵytyndaǵy Nazarbaev Zııatkerlik mektebinde ótti. Pedagogıkalyq oqý ornynyń ujymy men stýdentteri jáne mektep oqýshylary qatysqan jıynnyń resmı bóliminde Qyzdar ýnıversıtetiniń rektory Gaýhar Aldambergenova sóz alyp, bastamanyń mańyzynya toqtaldy.

– Elbasy Nursultan Nazarbaevtyń tarıhı sheshimderiniń arqasynda Qazaqstan «jasyl ekonomıkany» iske asyrýǵa baǵyttalǵan birqatar bastamalardyń uıytqysyna aınalyp otyr. Bastamalardy iske asyrý bıznes pen ǵylymnyń kúshin biriktirýdi, memleket pen halyqaralyq uıymdardyń júıeli qarym-qatynas qurýyn talap etedi. Bul iske otandyq joǵary oqý oryndary da eleýli úles qosýy tıis dep oılaımyn. Ýnıversıtettiń 75 jyldyǵy qarsańynda Jaratylystaný fakýltetiniń ǵalymdarynyń qoldaýymen osyndaı ıgilikti is qolǵa alynyp otyr. Bul joba adaǵy ýaqytta óz jalǵasyn tabatyn bolady, – dedi Gaýhar Aldambergenova.

Sonymen qatar jıynda memleket jáne qoǵam qaıratkeri Shámshá Berkimbaeva, til janashyry, Qyzdar ýnıversıtetiniń túlegi Asyly Osmanqyzy, Almaty qalasyndaǵy hımııa-bıologııa baǵytyndaǵy Nazarbaev Zııatkerlik mektebiniń dırektory Gúlmıra Móńkeeva jáne joba avtory, bıologııa ǵylymdarynyń doktory, professor Kelis Jaılybaı sóz sóılep, qaıyry kóp iske tilektestik bildirdi.

Resmı rásimnen soń oqý ornynyń ujymy men mektep oqýshylary arnaıy bólingen alańǵa sımvoldyq taqtaısha ornatyp, kóshetterdi otyrǵyzdy. Kelis Jaılybaıdyń aıtýynsha, biregeı joba Almaty qalasynyń ekologııalyq ahýalyn jaqsartýǵa óz septigin tıgizbek.

– Joba barysynda ońtústik astanadaǵy aýa basseıni lastaný deńgeıi joǵary aımaqtarda arsha, emen, úıeńki, akasııa, bozarsha jáne bórtegúl kóshetteri otyrǵyzylady. Bul óskinder ýnıversıtettiń Jaratylystaný fakýltetiniń bazasyndaǵy arnaıy zerthanada eń arzan ádisteme arqyly ósirilip, kútip-baptalǵan, – deıdi ǵalym.

Jaratylystaný fakýltetiniń dekany Qajymuqan Kishibaevtyń sózine qaraǵanda, buǵan deıin Almaty qalasyndaǵy Medeý shatqalynda ýnıversıtettiń bıolog ǵalymdary men stýdentteri 1000-nan astam aǵash otyrǵyzǵan. Endi atalǵan shara shahardyń ózge de aımaqtarynda júzege asyrylmaq. Bastama bolashaqta elimizdiń aýmaǵynda kútiletin qýańshylyq, aptap ystyq pen tabıǵı apattardyń aldyn alýǵa septesedi jáne jastardy ekologııalyq patrıotızmge tárbıeleıdi.

Osy oraıda aıta keteıik, «75 jylǵa – 75 aǵash» jobasy aıasynda jalpy sany 75 aǵash otyrǵyzyldy. Kóshetterdi Nazarbaev Zııatkerlik mektebiniń oqýshylary kútip-baptap turmaq.

Sońǵy jańalyqtar

Shıraz bulbuly

Ádebıet • Búgin, 22:05

Ata jurtta

Ádebıet • Búgin, 22:03

Oqý men oqymaý hám talǵam

Ádebıet • Búgin, 22:01

Mal basy ósse, olja kóbeıedi

Aımaqtar • Búgin, 21:57

Abaı oblysynyń aty ozdy

Aımaqtar • Búgin, 21:54

Saq dáýiriniń eskertkishi

Tanym • Búgin, 21:53

Portretin kúrishten jasaǵan

О́ner • Búgin, 21:51

Bes óńirde daýyldy eskertý jarııalandy

Aýa raıy • Búgin, 21:30

Erlan Qııasov jańa qyzmetke taǵaıyndaldy

Taǵaıyndaý • Búgin, 20:10

Tamyz aıyndaǵy UBT aıaqtaldy

Bilim • Búgin, 19:53

Baqyt Sultanov qyzmetinen bosatyldy

Qazaqstan • Búgin, 18:00

Dollar arzandady

Ekonomıka • Búgin, 16:42

Uqsas jańalyqtar