Aımaqtar • 10 Sáýir, 2019

Ál-Farabı atyndaǵy QazUÝ-de Joǵary aýdarma mektebin qurý usynyldy

781 ret kórsetildi

Ál-Farabı atyndaǵy Qazaq Ulttyq ýnıversıtetinde ótip jatqan VI Halyqaralyq Farabı oqýlary aıasynda «Ál-Farabıdiń aýdarma álemi jáne shet tilderin meńgerý aspektisindegi mádenıetaralyq zertteýlerdiń transformasııasy» atty halyqaralyq ǵylymı-ádistemelik konferensııasynda kóp tilde teńdeı aýdarma jasalyp, qatysýshylardyń kóńilinen shyqty.

Konferensııa qatysýshylary mádenıetaralyq jáne aýdarma zertteýlerin odan ári damytý úshin kóptildi bilim berýde stýdentter men oqytýshylarǵa shetelde únemi taǵylymdamadan ótýdi uıymdastyrý, atalmysh konferensııanyń joǵary ǵylymı deńgeıin eskere otyryp, bolashaqta kóptildi seksııalardyń jumysyn jalǵastyrý men materıaldyq bazany jaqsartýdy usyndy

Halyqaralyq yntymaqtastyqty qarqyndy damytý úshin Jeneva ýnıversıtetiniń elektrondy jýrnalyna eń úzdik baıandamalardy irikteý qajettigi aıtyldy.

Sankt-Peterbýrg Joǵary aýdarmashylar mektebiniń úlgisin basshylyqqa ala otyryp, ál-Farabı atyndaǵy QazUÝ-de ilespe aýdarmashylar daıarlaıtyn Joǵary aýdarma mektebin qurý usynyldy.

Konferensııada Jeneva ýnıversıtetiniń professory A. Akkarı: «Men ózime jańa álemdi ashtym. Kóptildi, kóp mádenıetti ortada eshqandaı kedergisiz ómir súrip jatqan halyqty kórdim. Qazaqstanǵa ekinshi ret keldim. Qazaqtardyń qonaqjaılylyǵy, jastardyń birneshe shet tilinde erkin sóıleı alýy meni tańǵaldyrdy. Bul keremet elge men taǵy da kelgim keledi. Budan ári baılanysymyz nyǵaıyp, jańa zertteýlerge jol ashatynymyzǵa senimdimin», – dedi.

QS World Universities Rankings boıynsha 85 oryndaǵy Bırmıngem ýnıversıtetiniń professory Markýs Perlman men 105 oryndaǵy Jeneva ýnıversıtetiniń professory A. Akkarıdiń ál-Farabı atyndaǵy QazUÝ men budan ári qarym-qatynasty jaqsartýǵa degen nıeti otandyq ýnıversıtetimiz úshin úlken mártebe.

Sondaı-aq sheteldik Elshiler men QR Syrtqy ister Mınıstrligi ókilderiniń qoldaý kórsetken, mundaı konferensııalar el men eldiń, mádenıetterdiń arasynda kópir salýǵa septesetinine taǵy da kóz jetkizildi.


ALMATY

Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Uqsas jańalyqtar