Túsindirý júrgizildi
Juma, 27 sáýir 2012 1:29
Memleket basshysy quqyq qorǵaý organdarynyń kadrlyq áleýetiniń sapasyn jaqsartýǵa, sonymen birge qoǵam aldynda olardyń qyzmetiniń ashyqtyǵyna turaqty túrde nazar aýdaryp keledi. Osy maqsatta Prezıdenttiń «Qazaqstan Respýblıkasy quqyq qorǵaý organdarynyń qyzmetkerlerin kezekten tys attestattaýdan ótkizý týraly» Jarlyǵy da shyqty.
Juma, 27 sáýir 2012 1:29
Memleket basshysy quqyq qorǵaý organdarynyń kadrlyq áleýetiniń sapasyn jaqsartýǵa, sonymen birge qoǵam aldynda olardyń qyzmetiniń ashyqtyǵyna turaqty túrde nazar aýdaryp keledi. Osy maqsatta Prezıdenttiń «Qazaqstan Respýblıkasy quqyq qorǵaý organdarynyń qyzmetkerlerin kezekten tys attestattaýdan ótkizý týraly» Jarlyǵy da shyqty.
Qazirgi ýaqytta atalǵan Jarlyqty júzege asyrý maqsatynda, Bas prokýratýra keshendi is-sharalardy bastap ketti. Kóp keshikpeı kezekten tys attestattaýdan 4 jarym myńnan astam prokýrorlar ótedi. Osyǵan oraı kezekten tys attestattaýdan ótkizýdiń maqsaty men tártibi týraly barlyq deńgeıdegi prokýratýra organdarynyń jeke quramyna túsindirý jumystary júrgizildi.
Prokýratýra organdarynyń qyzmetkerlerin kezekten tys attestattaýdan ótkizýdiń ashyqtyǵyn qamtamasyz etý úshin, Bas prokýratýranyń www.prokuror.kz resmı saıtynda «Prokýratýra organdarynyń qyzmetkerlerin kezekten tys attestattaý» atty arnaıy aıdar ashyldy. Bul aıdar kezekten tys attestattaýdy ótkizý tártibiniń buzylý derekteri týraly, sondaı-aq prokýratýra organdarynyń attestattaýǵa jatatyn laýazymdy tulǵalarynyń sybaılas jemqorlyq jáne basqa da quqyq buzýshylyqtar jasaýy, qyzmettik ádep normalaryn saqtamaýy týraly Bas Prokýrorǵa tikeleı ótinish jiberýge arnalǵan.
«Prokýratýra organdarynyń qyzmetkerlerin qaıta attestattaý» atty bólimge túsetin málimetter jáne oǵan kirgen adamdarǵa qatysty aqparattar qupııa bolyp tabylady, azamattardyń ótinishteri tikeleı bizdiń arnaıy elektrondy meken-jaıǵa túsedi, olar Bas prokýratýranyń saıtynda kórsetilmeıdi. Jeke jáne zańdy tulǵalardan túsetin málimetter prokýratýra organdarynyń tek quzyrly qyzmetkerlerine ǵana qoljetimdi bolady, qajet bolǵan jaǵdaıda qyzmettik tekserý júrgiziledi, al ótinishterdi qaraýdyń nátıjesi kezekten tys attestattaý kezinde komıssııalarda eskeriledi.
Roza DOSYMBEKOVA, Bas prokýratýranyń kadr jumysy departamenti bastyǵynyń orynbasary.
