Qoǵam • 10 Sáýir, 2019

Sheteldik kópsalaly emhanalar qazaqstandyq klınıkalarǵa básekelestik týdyrýda

684 ret kórsetildi

Qazaqstandyqtar medısınalyq kómek alýda sheteldik emhanalardyń kómegine jıi júgine bastaǵan. Medısınalyq qyzmet kórsetýdi jaqsartý máselesi óziniń ózektiliginen aıyrylar emes, al bul, óz kezeginde, naryqta jańa qatysýshylardyń paıda bolýyna áser etýde.

Resmı derekterge sáıkes, otandastarymyzdyń aýyr syrqattarǵa shaldyǵý deńgeıi jyl ótken saıyn kóbeıip keledi. Máselen, 2017 jyly turǵyndar arasynda alǵash ret tirkelgen syrqattanýshylyq 100 myń adamda 57896-ǵa jetse, bul QR Densaýlyq saqtaý mınıstrliginiń jyldyq statıstıkalyq esebine sáıkes ótken jyldyn kórsetkishinen 1,9% artyq. Al «Samruk-Kazyna Trust» Áleýmettik jobalar qorynyń málimetteri boıynsha dárigerler 2018 jyldyń sońyna qaraı el aımaqtarynda keń taralǵan syrqattardyń birinshi bestigin anyqtady. Olar – arterıaldy gıpertonııa, júrektiń ıshemııalyq aýrýy, qant dıabeti, sozylmaly bronhıt, endemııalyq zob. Eń qaýipti dertter arasynda týberkýlez, qant dıabeti men onkologııa kósh bastap tur.

«Qazaqstandyqtar arasynda onkologııalyq dertterdi emdeýde keshendi ádis-tásilderdi qoldanatyn, joǵary tehnologııalyq medısınalyq ortalyqtardyń qyzmetine degen suranys artyp keledi», – deıdi Ystambýldaǵy Anadolu emhanasynyń professory, medısına ǵylymdarynyń doktory Serdar Týrhal. 

Professordyń aıtýynsha, 2018 jyly bir ǵana Anadolu (Túrkııa) ortalyǵyna Qazaqstannan naýqastar legi artqan. Sonyń nátıjesinde, qazaqstandyq pasıentterdiń 75%-ne onkologııalyq syrqattardy emdeý boıynsha qyzmet kórsetilse, 25% – ishki syrqattar, jalpy hırýrgııa, neırohırýrgııa, pedıatrııa, kardıologııa, ýrologııa, EKO (ekstrakorporaldy uryqtandyrý), áıelder syrqattary boıynsha em qabyldaǵan.

Emhana derekteri boıynsha, Anadolu mamandarynyń kómegine júgingen qazaqstandyq naýqastardyń 30% óz dıagnozy týraly Qazaqstanda habardar bolǵan, biraq óz elinde em qabyldaýdy bastamaǵan. Qazaqstandyqtardyń 50% emdeýdi QR bastaǵan, biraq olar emniń balamaly túrlerin nemese terapııanyń neǵurlym tıimdi ádisterin zerdeleýdi jón kórgen. Qazaqstandyq pasıentterdiń 10%-nde syrqat asqynǵan, kesh kezeńde bolǵan: QR olarǵa emniń birneshe nusqasy usynylmaǵan edi, al Anadolu-da mundaı syrqattardyń tabysty terapııasynyń tájirıbesi bar. Pasıentterdiń qalǵan 10% emhana kómegine syrqattyń termınaldyq kezeńinde júgingen.

Sheteldik mamandar QR medısınalyq qyzmetter naryǵyndaǵy básekelestiktiń ósýi qazaqstandyq naryqtyń damýyna jańa serpin beredi, degen senimde.

Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Uqsas jańalyqtar