Aımaqtar • 10 Sáýir, 2019

Búrkitterdiń sanyn alýǵa arnalǵan ekspedısııa jolǵa shyqty

723 ret kórsetildi

10 sáýirde saǵat 7:00-de Almaty oblysyndaǵy búrkit balapandaryn shyǵaratyn orynda jabaıy tabıǵatta mekendeıtin búrkitterdi esepke alýǵa arnalǵan arnaıy ekspedısııa bastaldy.

Ekspedısııa «Suńqar» tálimbaǵynyń qoldaýymen jeti jyl boıy júzege asyrylyp kele jatqan «Efes Qazaqstan» kompanııasynyń «Úlesińdi qos. Tabıǵatty aman saqtap qal» atty jobasynyń aralyq qorytyndysyn shyǵarýǵa arnalǵan.

Ornıtolog Sergeı Shmygalev, kómekshi-júrgizýshi Vladımır Isaenko jáne ekinshi júrgizýshi Igor Svastınnen quralǵan Suńqar tálimbaǵy mamandarynyń komandasy arnaıy kerek-jaraqtarymen jáne GPS-navıgasııamen jabdyqtalyp, mejelengen baǵdar boıynsha eki jol talǵamaıtyn kólikpen jolǵa shyqty.

Sergeı Shmygalevtiń jetekshilik etýimen ekspedısııa búrkitter mekendeıtin jerlerge, sonyń ishinde «О́z úlesińdi qos. Tabıǵatty aman saqtap qal» búrkitterdi qorǵaý baǵdarlamasy aıasynda qustardy shyǵarý mekenderinde bolyp qaıtady.

Qazaqstan aýmaǵynda mekendeıtin búrkitterdiń sanyn esepteý sońǵy márte 2012 jyly ótkizilgen bolatyn. Jeti jyl boıy osyndaı maqsatqa baǵdarlanǵan jumys júrgizilmegen bolatyn.

2012 jyldaǵy esepke alýdyń nátıjesi jáne ornıtologtardyń birqatar baǵalaýy boıynsha búrkitterdiń popýlıasııasy azaıǵan, Úlken jáne Kishi Bógit aımaǵynda (Almaty oblysy) bar-joǵy 4-5 jup qana qalǵan.

«Efes Qazaqstan» kompanııasynyń Qazaqstanda 2012 jyldan bastap jumys jasap kele jatqan «Úlesińdi qos. Tabıǵatty aman saqtap qal» atty jobasy qazaqstandyq búrkitter popýlıasııasyn tolyqtyrýǵa baǵyttalǵan. Osy kezeń ishinde «Suńqar» tálimbaǵynda 25 búrkit balapany ósirilip, tabıǵat aıasyna jiberildi.

«Búrkitter 5-6 jyldan keıin kóbeıe bastaıdy. Qazir 2013 jyly erkindikke jiberilgen qustardy esepteý úshin qolaıly ýaqyt. Biz 2013 jyldan beri tabıǵat aıasyna jiberilgen búrkitterdiń mekenine baryp qaıtamyz. Bul Almaty oblysy, Jońǵar Alataý taý silemderi – Arqarly jáne Malaısary taý qyrqasy; Ile Alataý – Úlken jáne Kishi Bógit, Torǵaıǵyr, Súıǵoty, Sharynnyń joǵarǵy jaǵy», – deıdi top jetekshisi Sergeı Shmygalev.

Ekspedısııa Almaty oblysy aýmaǵyn qamtymaq. «Suńqar» ortalyǵynyń mamandary qatysýshylardyń qaýipsizdigin qamtamasyz ete otyryp, jospar men jol baǵdaryn daıyndady. Top qustardy esepke alýǵa jáne foto-jáne beıne túsirilimderdi jasaýǵa arnalǵan búkil qajetti tehnıkamen jabdyqtalǵan.

2019 jyldyń 10-12 sáýir kúnderi Arqarly jáne Malaısary, 13-15 sáýir kúnderi Úlken jáne Kishi Bógit, 16-17 sáýirde Súıǵoty taýlary, 18-20 sáýirde Toraıǵyr jáne Sharyn joǵarǵy jaǵy tekseriledi. Ekspedısııa ýaqyty aýa-raıy jaǵdaılaryna jáne jol baǵytynyń qıyn bolýyna baılanysty uzartylýy múmkin.

Komanda qaıtqan soń birden «Suńqar» tálimbaǵynda BAQ-pen kezdesý ótip, ekspedısııa qatysýshylary tolyǵyraq aqparatpen bólisetin bolady.

Almaty

Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Uqsas jańalyqtar