Prezıdent • 11 Sáýir, 2019

Batysqazaqstandyq assambleıa ókilderi turaqtylyqty qoldaıdy

734 ret kórsetildi

Oral qalasyndaǵy «Dostyq» úıi ǵımaratynda óńirdegi etno-mádenı ortalyqtar basshylary bas qosyp, Qazaqstan Prezıdenti Qasym-Jomart Toqaevtyń kezekten tys saılaý ótkizý jónindegi úndeýine qoldaý bildirdi.

Batys Qazaqstan oblystyq Qazaqstan halqy Assambleıasy aktıvi jınalysy «Qazaqstan Respýblıkasynyń prezıdentin kezekten tys saılaý týraly» máseleni talqyǵa saldy.

Jıynǵa qatysqan aktıv músheleri, etnomádenı ortalyqtar, saıası partııalar ókilderi, qoǵamdyq birlestikter, JOO oqytýshylary, «Jańǵyrý joly» jastar qozǵalysynyń belsendileri, Qoǵamdyq kelisim Keńesi, Analar Keńesi, Aqsaqaldar Keńesi ókilderi kezekpen sóz alyp, elimizde bastalǵaly turǵan saıası naýqan týraly óz oılaryn bildirdi.

- Biz Qazaqstan Respýblıkasynyń Prezıdenti Qasym-Jomart Toqaevtyń Qazaqstan halqyna Joldaýyn yqylaspen tyńdadyq. Árıne, elimiz demokratııaly, egemendi memleket bolǵandyqtan, Elbasyn zań jolymen halyq saılaýy tıis. 2019 jylǵy 9 maýsymǵa taǵaıyndalyp otyrǵan kezekten tys Prezıdent saılaýynyń basty maqsaty osyndaı. Kópultty memleketimiz úshin óte mańyzdy saıası naýqan aldynda basymyzdy qosyp, pikir almasqanymyz jón, - dedi Batys Qazaqstan oblystyq Qazaqstan halqy Assambleıasy tóraǵasynyń orynbasary, hatshylyq meńgerýshisi Ǵaısa Qapaqov.

Dóńgelek ústelde ózge de uıymdar ókilderi óz pikirin ortaǵa saldy. Qoǵamdyq kelisim Keńesiniń múshesi, «BQO avtobýs parki» JShS dırektory Nurlybek Birmanov respýblıkadaǵy qoǵamdyq-saıası ahýaldy taldaı kelip, kezekten tys saılaý ótkizý – ýaqyt pen kezeń talaby degen tujyrymyn aıtty. Osy oraıda áriptesterin azamattyq belsendi áreketke shaqyrǵan Nurlybek Shaıdollauly el bolashaǵynyń turaqty bolýy – sanaly azamattardyń sapaly áreketine tikeleı baılanysty bolatynyna nazar aýdardy. Sondyqtan elimiz úshin asa mańyzdy saıası naýqanda selqostyq tanytýǵa bolmaıdy.

Batys Qazaqstan oblystyq Qazaqstan halqy Assambleıasy Analar Keńesiniń múshesi Altynaı Esqalıeva Qazaqstandaǵy dástúrli turaqtylyqtyń saqtalýy – onyń basshysyna tikeleı baılanysty bolatynyn aıtty. «Biz bolashaq Prezıdent saılaýyna belsendi qatysýǵa ázirmiz» deıdi «Aq otaý» otbasy ortalyǵynyń jetekshisi Altynaı Ǵalymqyzy.

Mahambet О́temisuly atyndaǵy BQMÝ janynan ashylǵan «Rýhanı jańǵyrý» ınstıtýtynyń ǵylymı qyzmetkeri, tarıh magıstri Danııal Tanzenov, «LAMED» evreı qoǵamdyq birlestiginiń jetekshisi Felıks Baıýkanskıı, «Vaınah» sheshen-ıngýsh etno-mádenı birlestiginiń tóraǵasy Danılbek Saratov, jýrnalıstıka salasynyń ardageri Sergeı Kýlpın, taǵy basqalary da aldaǵy saılaýdyń elimiz úshin asa mańyzdy beles bolatynyn aıtty.

- Bul saılaý básekeli, demokratııalyq ustanymdarǵa saı bolýy tıistigin Prezıdent Qasym-Jomart Toqaev naqty aıtty. «Men, Memleket basshysy retinde, saılaýdyń taza, ashyq ári ádil ótýine kepildik beremin! Bul – meniń berik ustanymym!» dep málimdegen Prezıdenttiń sózine kúmándanýdyń qajeti joq. Búginde álemdegi ahýal aýmaly-tókpeli bolyp tur. Sondyqtan halyq saılaǵan Elbasy Otanymyzdyń uzaqmerzimdi strategııalyq, taktıkalyq josparlaryn júzege asyra alady. Al osyndaı jaýapty kezeńde barlyq qoǵamdyq uıymdar, saıası partııalar óz úmitkerin usynyp, jappaı saılaýǵa qatysady dep oılaımyn, deıdi «Memlekettik uıymdar, bank mekemeleri men qoǵamdyq qyzmet kórsetý salalyq kásipodaǵy» Batys Qazaqstan oblystyq fılıalynyń jetekshisi Aıgúl Esekenova.

«Turaqtyly pen tatýlyq – Qazaqstan úshin qalypty jaǵdaıǵa aınaldy. Biraq bul qundylyq ońaı kelgen joq. Elimizdiń qazirgi jetistigine Qazaqstan Respýblıkasynyń Tuńǵysh Prezıdentinen bastap barsha qazaqstandyqtardyń úlesi bar. Bul baǵa jetpes baılyǵymyzdy qorǵaýymyz kerek, kózdiń qarashyǵyndaı saqtaýymyz kerek» - Jıyn sońynda Batys Qazaqstan oblystyq Qazaqstan halqy Assambleıasy aktıvi biraýyzdan osyndaı tujyrymǵa keldi.

Dóńgelek ústel májilisin qorytyndylaǵan Ǵaısa Qapaqov assambleıalyqtardyń Qazaqstanda ótkiziletin kezekten tys Prezıdent saılaýyna qoldaý bildirgenine rızashylyq sezimin bildirdi.

Sońǵy jańalyqtar

Sıngapýrdyń sońǵy aýyly

Álem • Búgin, 17:55

Ahmet Baıtursynulyna eskertkish ornatylady

Rýhanııat • Búgin, 17:20

Petr Iаn úzdikter qataryna endi

Jekpe-jek • Búgin, 16:05

Uqsas jańalyqtar