Aımaqtar • 12 Sáýir, 2019

Úkimettik emes uıymdar saılaýdy qoldaıdy

748 ret kórsetildi

Qazaqstan úlken saıası naýqannyń qarsańynda tur. Elimizdiń Ortalyq saılaý komıssııasy 10 sáýir kúni Qazaqstan Respýblıkasy Prezıdentiniń kezekten tys saılaýyn daıyndaý jáne ótkizýdiń kúntizbelik josparyn bekitti. Osyǵan oraı elimizdiń túkpir-túkpirinde ÚEU ókilderi de óz pikirin bildirýde.

Osyndaı jıynnyń biri Batys Qazaqstan oblysynyń Azamattyq ortalyǵynda ótti. Basqosýǵa qatysýshylar Qazaqstan Respýblıkasyndaǵy kezekten tys Prezıdent saılaýy týraly pikir bildirip, azamattyq ortalyqtyń 2019 jylǵy jumys josparyn talqyǵa saldy.

- Saılaý qarsańynda el bolashaǵyna alańdaıtyn árbir adam erekshe jaýapkershilikti jan-tánimen túsinedi. Osyndaı syndarly sátti úkimettik emes uıymdar jetekshileriniń belsendiligi óte qajet. О́ıtkeni memleket basshysyn tańdaý, Respýblıka Prezıdentin saılaý – bizdiń barshamyzdyń taǵdyrymyzǵa tikeleı qatysy mańyzdy oqıǵa. Táýelsizdik alǵan kúnnen bastap Qazaqstan Respýblıkasy únemi alǵa jyljyp, búgingi dárejesine jetti. О́zindik damý jolyn taýyp, álemdik qaýymdastyqta laıyqty oryn aldy. Otanymyz odan ári kórkeıýi úshin, damý jolynan jańylmaýy úshin 9 maýsym kúni ár azamat óziniń tańdaý quqyǵyn, saılaý quqyǵyn júzege asyrýy tıis, - dedi «BQO Azamattyq alıans qaýymdastyǵy» qoǵamdyq birlestiginiń jetekshisi Merýert Sankaeva.  

«Qyzyl aı» qoǵamy BQO fılıalynyń jetekshisi Svetlana Tenısheva, «Dıabet» qoǵamdyq qozǵalysynyń tóraǵasy Tamara Istomına jáne basqalary sóz alyp, Qazaqstannyń bolashaq Prezıdenti el aldynda abyroıy bıik, óziniń baǵdarlamasymen qazaqstandyqtardyń kóńilinen shyqqan adam bolatynyna senim bildirdi.

- Biz, Batys Qazaqstan oblysynyń azamattyq qoǵam ókilderi, elimizde ótkiziletin kezekten tys Prezıdent saılaýyn qoldaımyz. Halqymyz sońynan jurtty erte alatyn, álemdik qaýymdastyq aldynda Qazaqstandy laıyqty tanystyra alatyn tulǵany órkenıetti jolmen tańdaýy tıis. Zańdy saılaý – el bolashaǵynyń turaqtylyǵynyń kepili. Sondyqtan Úkimettik emes uıymdar ókilderi bul naýqandy zań aıasynda ótkizýge barynsha atsalysady, - deıdi  «Ǵylymı zertteýlerdi qoldaý» qorynyń dırektory Aıbolat Qurymbaev.


Batys Qazaqstan

Sońǵy jańalyqtar

Álemdegi eń úlken muzdyq erip ketti

Ekologııa • Búgin, 11:05

15169 adam koronavırýs juqtyrdy

Koronavırýs • Keshe

Uqsas jańalyqtar