Ekonomıka • 12 Sáýir, 2019

Kóktemgi egiske daıyn

821 ret kórsetildi

Aqjaıyq óńiriniń dıqandary kóktemgi egiske daıyndalyp jatyr. Oblystyq aýyl sharýa­shylyǵy basqarmasy óńirdegi egin sharýashylyǵymen aınalysatyn uıymdarmen arada jasalǵan memorandýmǵa súıenip, bıyl egis alqaby 542,3 myń gektar bolatynyn habarlady.

Oblystyq aýyl sharýashy­lyǵy basqarmasy basshysynyń orynbasary Denıs Omashevtiń aıtýynsha, bıylǵy egis alqaby­nyń kólemi 2018 jylmen salys­tyrǵanda 25 myń gektarǵa ne­mese 4,9%-ǵa artyq eken. Naryq­taǵy suranysqa jáne óndiristik tıim­­diligine baılanysty maıly daqyldar alqaby 18,2%-ǵa, kartop 2,4%-ǵa jáne kókónis-baqsha daqyldarynyń alqaptary 7,5%-ǵa ulǵaıady.

Joba boıynsha óńirdegi dán­di daqyldardyń alqaby 265,0 myń gektardy quraýy tıis. Onyń ishinde 76,6 myń gektar al­­qap kúzdik daqyldy quraıdy. Egi­letin dándi daqyldyń basym­ bóligin quraıtyny – bıdaı men­ arpa, bular barlyq daqyl túri­niń 90 paıyzy. Odan bólek 4,4 myń gektary da bar. Maıly da­qyldar alqaby da 2018 jylmen salystyrǵanda 10 myń gektarǵa kóbeıip, 64,8 myń gektar bolmaq. Onyń basym bóligi kúnbaǵys 51,0 myń gektarǵa egiledi. Budan bólek 10 myń gektar alqapqa kartop jáne kók­ónis-baqsha daqyldaryn egý jospar­lanǵan. 

«Qazgıdromet» qyzmetiniń maman­dary bıyl oblysta topy­raq­­tyń joǵarǵy qabatynyń yl­ǵaly mol dep otyr. Onyń ús­tine egistik ıeleri de qarap jat­paı, qys boıy 35 myń gektar jer­de qar toqtatý jumystaryn júr­­gizgen. Osynyń bári bıylǵy egin shyǵymy jaqsy bolady degen úmitti oıatyp otyr.

О́ńirde kóktemgi egisti júr­gizý­ge qajetti tuqym qory jet­ki­likti. Mysaly, dándi daqyldar úshin tuqym qory – 105%, maıly­ daqyl­dar úshin – 102%, kartop tuqymy 100% daıyn. Bul tu­qym­dyq qordyń sapasyn «Qazagreks» AQ jáne «Oral-Jer» JShS zerthanalary tek­serip, «egýge jaramdy» degen sheshim shyǵarǵan.

Bıylǵy kóktemgi dala­lyq­­ jumystarǵa Batys Qa­zaq­stan ob­ly­­synda 4215 trak­­tor, 4081 dán­sepkish, 830 qop­­­­­­­syt­qysh jáne «Djon Dır», «Fleksıkoıl», «Keıs», «Horsh» markaly 47 jo­ǵa­ry ónim­di egis keshenderi qaty­sady. Búgin­de traktorlardyń 97%,­­­­ dán­­­sep­kishterdiń 96%, qop­syt­­­­qysh­tardyń 97% jumysqa daıyn. 

Kóktemgi dalalyq jumys­tardy júrgizý úshin oblysqa 12 myń tonna (sáýirge – 2 myń tonna, mamyrǵa – 6 myń tonna, maýsymǵa – 4 myń tonna) dızel otyny kerek. Bul kólem bó­lindi, jetkizýshi operator bolyp «Batys Arna» JShS anyq­taldy. Dızel otynynyń baǵasy lıtrine 165 teńgeni quraıdy.

– Kóktemgi egis jumystaryn qarjylandyrýǵa «Keńdala» baǵ­darlamasy arqyly 291,5 mln teńge qarastyrylǵan, bul 7%-dyq mólsherlememen berile­di. Qarjy «Agrarlyq nesıe kor­porasııasy» AQ oblystyq fı­lıalynyń aýdandyq nesıe seriktestikteri arqyly aýylsharýashylyq ta­ýar ón­dirý­shi 15 uıymǵa berildi. Bu­dan­ bólek «Agrobıznes» baǵ­­dar­la­ma­sy boıynsha 16%-dyq mól­­sher­­lemesi bar 559 mln teń­ge qarastyrylǵan, – deıdi «Agrar­lyq nesıe korporasııasy» AQ oblystyq fılıalynyń dırektory Erlan Nysanǵalıev.

«QazAgroQarjy» AQ Batys Qazaqstan oblystyq fılıaly­ dırektorynyń orynbasary Aman­­geldi Imanov óńirde teh­­­­­nıka lızıngisine 2900 mln teńge qaralǵanyn, qazirgi ýaqytta sha­rýa­shylyqtar 1050 mln teń­gege 80 ­birlik tehnıka satyp alǵanyn aıt­yp otyr. 

Batys Qazaqstan oblysy
Sońǵy jańalyqtar

Petr Iаn úzdikter qataryna endi

Jekpe-jek • Búgin, 16:05

Erteń Qazaqstan quramasy Beıjińge attanady

Qysqy sport • Búgin, 11:15

Uqsas jańalyqtar