Ekologııa • 12 Sáýir, 2019

Qyrandardyń sanyn anyqtaıdy

921 ret

kórsetildi

1 mın

oqý úshin

Jeti jyldan beri Almatydaǵy «Suńqar» jabaıy qustar tálimbaǵy búrkittiń balapandaryn jabaıy tabıǵatqa birtindep baýlyp, erkindikke jiberip kelgen-di. Sol qustardyń sanyn alý úshin arnaıy ekspedısııa jolǵa shyqty.

Aınash ESALI

Ekspedısııa «Suńqar» tálimbaǵy men «Efes Qazaqstan» kompanııasynyń qoldaýymen júzege asyrylyp kele jatqan «Úlesińdi qos. Tabıǵatty aman saqtap qal» atty jobanyń aralyq qorytyndysyn shyǵarýdy kózdeıdi. Osy kezeń ishinde «suńqar» tálimbaǵynda 25 búrkit balapany ósirilip, tabıǵat aıasyna jiberildi.

Ornıtolog Sergeı Shmygalev, kómekshi-júrgizýshi Vladımır Isaenko jáne ekinshi júrgizýshi Igor Svastın syndy «Suńqar» tálimbaǵy mamandarynan quralǵan komanda arnaıy kerek-jaraqtarymen jáne GPS-navıgasııamen jabdyqtalyp, mejelengen baǵdar boıynsha eki jol talǵamaıtyn kólikpen saparǵa attandy.

Qazaqstan aýmaǵynda mekendeıtin búrkitterdiń sanyn esepke alý sońǵy márte 2012 jyly ótkizilgen eken. Sol kezde júrgizilgen eseptiń nátıjesi men ornıtologtardyń birqatar baǵalaýynsha, búrkitterdiń popýlıasııasy azaıǵan, Úlken jáne Kishi Buǵyty aımaǵynda (Almaty oblysy) bar-joǵy 4-5 jup qana qalǵan.

Búrkitter 5-6 jyldan keıin kóbeıe bastaıdy. Biz 2013 jyldan beri tabıǵat aıasyna jiberilgen búrkitterdiń mekenine baryp qaıtamyz. Bul Almaty oblysy, Jońǵar

Alataýynyń silemderi – Arqarly jáne Malaısary taý qyrqasy, Ile Alataýy – Úlken jáne Kishi Buǵyty, Toraıǵyr, Sógeti, Sharynnyń joǵarǵy jaǵy», – deıdi top jetekshisi Sergeı Shmygalev.

«Suńqar» ortalyǵynyń mamandary qatysýshylardyń qaýipsizdigin qamtamasyz ete otyryp, josparly jol baǵdaryn daıyndady. Top qustardy esepke alyp, foto-jáne beıne túsirilimderdi jasaýǵa arnalǵan búkil qajetti tehnıkamen jabdyqtalǵan.

ALMATY