Tilegi – tynyshtyq
Seısenbi, 22 mamyr 2012 7:16
Kóliktegi polısııa qyzmetkerlerin – el tynyshtyǵyn qorǵaýshyberik qorǵanymyz, jolaýshylardyń qaýipsizdigine tikeleı jaýapberetin adamdar dep bilemiz. Olardyń kúndelikti tynys-tirshiligiqaýipti de qyzyqqa toly sáttermen almasyp jatady.
Seısenbi, 22 mamyr 2012 7:16
Kóliktegi polısııa qyzmetkerlerin – el tynyshtyǵyn qorǵaýshyberik qorǵanymyz, jolaýshylardyń qaýipsizdigine tikeleı jaýapberetin adamdar dep bilemiz. Olardyń kúndelikti tynys-tirshiligiqaýipti de qyzyqqa toly sáttermen almasyp jatady.
Aqtóbe beketindegi ishki ister jelilik basqarmasy budan 35 jyl buryn, 1977 jyly bólim bolyp quryldy. Osy bólimniń alǵash kirpishin qalaǵandardyń ishinde Sársenbaı Qanǵalıulynyń eńbegi ushan-teńiz. 50 jylǵa jýyq ýaqyt boıy osy temir jol salasynda aıanbaı eńbek etip keledi. Qyzmetine adal, sózine berik, isine jaýapkershilikpen qaraıtyn, jany taza, adamgershiligi mol Sársenbaı aǵany kásibı qyzmetkerdiń beınesin qalyptastyrýshy dep aıtýǵa ábden bolady.
Búginde Ardagerler keńesi tóraǵasynyń Batys óńiri boıynsha orynbasary, otstavkadaǵy mılısııa polkovnıgi Sársenbaı Qanǵalıuly 1937 jyly 1 mamyrda Aqtóbe oblysy Qobda aýdanynyń Aqqudyq (qazirgi Álııa) aýylynda qarapaıym sharýanyń otbasynda dúnıege kelgen. Ákesi Uly Otan soǵysynda qaza bolǵan. Jańa Alekseevka mektep-ınternatynda tárbıelenip, ony bitirisimen 1956 jyly ásker qataryna shaqyrylady. 1958 jyly Otan aldyndaǵy boryshyn abyroımen atqaryp kelip, Aqtóbe beketiniń jelilik mılısııa bólimine kezekshi mılısıoner bolyp jumysqa ornalasady. 1959 jyly Almaty orta arnaıy mılısııa mektebine kúndizgi bólimge oqýǵa túsedi. Talantty da zerek bozbala bul oqý ornyn da úzdik támamdap, 1961 jyly Aqtóbe beketiniń jelilik mılısııa bólimine qylmystyq izdestirý jónindegi jedel ýákili bolyp jumysqa turady. Qaısar, kókiregi oıaý jas jigitti asqaq armandary alǵa jeteleı beredi… 1989 jyldan qurmetti demalysqa shyqqanǵa deıin Aqtóbe oblystyq IIB aldyn alý qyzmetiniń bastyǵy laýazymynda eńbek etti.
Jumysyna tııanaqty, áriptesterine syıly bolýy da onyń naǵyz óz isiniń mamany ekenin moıyndata bilgeninen bolar. Árdaıym qolushyn berýge daıyn, adamgershilik qasıetterimen qatar qyzmettegi minsiz bedelin kórip júrgen dos-jaran, týǵan-týys, jerlesteri ony maqtan tutty. Týǵanynan batyl da elgezek jigit óz deńgeıiniń joǵary ekenin, «almas qylyshtyń qyn túbinde kóp ýaqyt jatpaıtynyn» dáleldep shyqty. Sóıtip, ol Aqtóbe jurtynyń maqtanyshyna aınaldy.
Kezinde bıik laýazym ıelerinen alǵan maqtaý qaǵazdary men alǵys hattary da jetkilikti. 2010 jyly 19 aqpanda Reseı Federasııasynyń Kóliktegi ishki ister mınıstrliginiń 90 jyldyǵynda medalmen marapattalǵan.
Otstavkadaǵy mılısııa polkovnıgi Sársenbaı Qanǵalıev el táýelsizdiginiń 20 jyldyǵyna arnalǵan tós belgisimen marapattaldy.
Ishki ister salasyna, ıaǵnı qoǵam tynyshtyǵyn qalypty túrde saqtaýǵa bel sheshken jas urpaqtyń tárbıelik, patrıottyq rýhyn nyǵaıtyp, qoǵam aldynda asqan jaýapkershiligin sezindirip keledi. Zeınetkerlikke, ıaǵnı eńbek demalysyna shyqsa da únemi ishki ister júıesiniń qoǵamdyq ómirinen tysqary júrmeıtin, keıingi býynǵa árqashanda mol tájirıbesimen bólisýden jalyqpaıtyn Sársenbaı aǵa ózi qyzmet etken departamentinen esh baılanysyn úzgen emes. Kóliktegi ishki ister departamentiniń ardageri qoǵamdyq ómirde belsendi bolýdy jón sanaıdy.
Nazgúl BESPAEVA,
Kóliktegi ishki ister departamentiniń qyzmetkeri.
AQTО́BE.
