Jobalyq quny 55 mıllıon eýro bolatyn bolashaq kún elektr stansasynyń aýmaǵy 120 gektar jerdi alyp jatyr. Onyń qýattylyǵy 50 MVt quraıdy. Kelisimshartqa saı, alǵashqy elektr energııasy 30 maýsymda óndirile bastaıdy. Qazirgi tańda elektr qýatyna qosylý jumystary júrgizilýde. Jaqyn arada munda 150 myń panel men qýatty qosalqy stansalar jetkizilýi tıis.
– Jumys keste boıynsha júrgizilýde. «KEGOC» qosalqy stansalarynan bizdiń qosalqy stansalarǵa deıingi bul jeli birneshe kúnnen keıin daıyn bolady. Biz úshin bul jobany osy jyldyń 30 maýsymynda aıaqtaý óte mańyzdy, – deıdi ınvestor kompanııa – «SES Saran» JShS-niń bas dırektory Evgenıı Grebennıkov.
