Aımaqtar • 16 Sáýir, 2019

Eki jyldyq jumys qorytyndylandy

867 ret kórsetildi

Mahambet О́temisuly atyndaǵy Batys Qazaqstan memlekettik ýnıversıtetinde Qoǵamdyq sanany jańǵyrtý baǵdarlamasyn iske asyrý jónindegi óńirlik komıssııa janyndaǵy saraptama keńesiniń otyrysy ótti. Jıynǵa saraptama keńesiniń músheleri, jobalaý ofısiniń qyzmetkerleri jáne ǵalymdar qatysty.

Keńesti kirispe sózben ashyp, júrgizip otyrǵan BQMÝ rektory N.Serǵalıev Qazaqstan Respýblıkasynyń Tuńǵysh Prezıdenti – Elbasy Nursultan Nazar­baev­tyń «Bolashaqqa baǵdar: rýhanı jań­ǵyrý» atty baǵdarlamalyq ma­qa­­lasynyń jarııalanǵanyna eki jyl bol­ǵanyn, osy aralyqta birtalaı ıgi­likti is atqarylǵanyn aıtyp ótti.
– Elimizdiń qoǵamdyq ómirinde erekshe oryn alǵan baǵdarlamalyq maqala 2017 jyly 12 sáýirde jaryq kórdi. Sol ýaqyttan bastap baǵdarlamany oryndaý boıynsha qoǵamda kólemdi jáne jan-jaqty jumys bastaldy. «Qasıetti Qazaqstan» jobasy aıasynda oblysymyzdan 7 tarıhı oryn ulttyq deńgeıdegi nysandar qataryna qosylyp, Aqjaıyq óńirinde aýqymdy ister atqaryldy. Onyń bári halyqtyń iltıpatyna ıe boldy. Qasıetti oryndardyń qataryna engen ortaǵasyrlyq Jaıyq qalashyǵy, áıgili Bókeıliktegi Han ordasy, Jánibek aýdanyndaǵy Ǵumar Qarash zıraty, Syrym aýdanyndaǵy «Dádem Ata-Juma­ǵazy haziret» kesenesi, Jym­pıtydaǵy Alash mýzeıi, Terekti aýdanynyń aýma­ǵy­nan tabylǵan «Taqsaı hanshaıymy» – búkil elimizdiń maqtanyshyna aınaldy, – dedi Nurlan Habıbollauly.
Aqjaıyq óńirinde ónegeli ister qata­rynda kúı atasy Qurmanǵazy Saǵyr­baı­­ulynyń IýNESKO kólemindegi 200 jyldyq mereıtoıyna oraı «Ǵasyrlar qoınaýynan jetken babalar úni» atty halyqaralyq ǵylymı ekspedısııasyn, Jáńgir han atyndaǵy BQATÝ-dyń uıym­­­­­­das­tyrýymen joryqqa attanǵan «In­der – Oral óńiriniń bolashaǵy zor geo­baǵy» jáne «Han bógeti» atty halyq­­­­a­ralyq ǵylymı-tanymdyq ekspedısııalaryn atap ótýge bolady.
Mahambet О́temisuly atyndaǵy BQMÝ­­­­­-da «Rýhanı jańǵyrý» baǵdar­­la­ma­synyń negizderin bilim alýshylarǵa oqý úrdisi arqyly jetkizý jáne ǵylymı sarap­tamalyq-taldaý jumystaryna jas ǵalymdar men magıstranttardy keńinen tartý úshin, olardyń ǵylymı-tanymdyq kókjıegin keńeıtý maqsatynda arnaıy oqý baǵdarlamalary (elektıvti kýrstar) daıarlandy. Mysaly, «Qoǵamdyq sananyń fılosofııalyq-ulttyq negizderi», «О́z týǵan ólkesiniń jaǵrafııasyn zertteý», «Qazaq jazýynyń tarıhy» elektıvti oqý kýrstary tabysty ótýde. О́ńir basshysy Altaı Kólginov Oral qalasynda 2019 jyly halyq batyry Isataı Taımanuly men Mahambet О́temisulyna eskertkish boı kóteretinin tikeleı efırde ótken «Ákim saǵatynda» jarııa etip, kópten kóterilip kele jatqan máselege núkte qoıa­tynyn aıtqan bolatyn.
Jıynda Mahambet О́temisuly atyn­daǵy Batys Qazaqstan memlekettik ýnı­versıtetiniń dosenti, tarıh ǵylym­­­­da­rynyń kandıdaty Jańabek Jaqsyǵa­lıev «Ulttyq sana: jańǵyrýǵa umtylys – jarqyn bolashaqqa betburys» atty baıan­dama jasady. Batys Qazaqstan ın­no­vasııalyq-tehnologııalyq ýnıver­sı­tetiniń ǵylymı bóliminiń basshysy, fı­lologııa ǵylymdarynyń doktory, pro­fessor Murat Sabyr rýhanı jań­ǵyrý sharalaryn júzege asyrý kezinde kez­desken keleńsizdikterge de toqtalyp, soń­ǵy kezde júıege túsken jetistikter týraly aıtty.
Saraptama keńesi otyrys sońyn­da­ «Bolashaqqa baǵdar: rýhanı jańǵy­rý»­ baǵdarlamasynan jáne onyń zań­dy jalǵasy «Uly dalanyń jeti qyry» baǵ­darlamasynan týyndaıtyn mindet­­­­­­ter­ge oraı Batys Qazaqstan oblysynda is­ke asyrylatyn jobalar men is-shara­lar­dyń tizimine tolyqtyrýlar engizý týraly sheshim qabyldady. 
– О́tken eki jyl ishinde Batys Qazaq­stan oblysynyń barlyq aýdandary men Oral qalasynda ornalasqan orta jáne joǵary oqý oryndary, baspasóz qural­dary men azamattyq ınstıtýttar, kásiporyndar men mekemeler, qo­ǵam­dyq uıymdar men úkimettik emes uıymdar, Saraptama keńesi men Joba­laý ofısiniń jumystaryn bir arnaǵa toǵystyryp, nátıjeli jumys atqarýǵa qoldaý kórsetken Qoǵamdyq sanany jańǵyrtý baǵdarlamasyn iske asyrýda Batys Qazaqstan oblysynyń ákimi Altaı Kólginovtiń, oblys ákiminiń oryn­basary Ǵabıdolla Ospanqulovtyń uıymdastyrýshylyq róli joǵary boldy, – deıdi BQMÝ rektory N.Serǵalıev.

Batys Qazaqstan oblysy
Sońǵy jańalyqtar

Almatynyń ońtústiginde jer silkindi

Aımaqtar • Búgin, 17:38

Almatyda qurylys krany qulady

Oqıǵa • Búgin, 14:21

Aýǵanstanda jarylys boldy

Álem • Búgin, 12:21

Álemdegi eń úlken muzdyq erip ketti

Ekologııa • Búgin, 11:05

Uqsas jańalyqtar