Kezdesý barysynda kópbalaly analar memlekettik qordan turǵyn úı berýdi jedeldetýdi surady.
Qala ákiminiń orynbasary turǵyn úı kezeginde 45 myń adamnyń turǵanyn atap ótti: múgedekter, soǵys ardagerleri, ınternasıonalıst-jaýyngerler, jetim balalar, Chernobyl apatynyń qatysýshylary men múgedekteri jáne kópbalaly otbasylar. Bul rette turǵyn úı kezeginde 2969 kópbalaly otbasy tirkelgen.
Sonymen qatar, ol kezekte turǵandarǵa memlekettik qordan beriletin páterler jalǵa berý shartymen beriletinin atap ótti.
«Qazaqstanda 4 jáne odan da kóp balasy bar 340 myńǵa jýyq kópbalaly otbasy bar. Olardyń ishinde resmı kezekte turǵyn úıge muqtaj retinde 31725 myń otbasy tur. Olar úshin sońǵy bastamalar sheńberinde aldaǵy 7 jylda 40 myń sharshy metrden astam jalǵa beriletin turǵyn úı salýdy josparlap otyrmyz.
Kópbalaly otbasylarǵa turǵyn úı berýdi jedeldetý úshin belgilengen talaptarǵa jaýap beretin daıyn turǵyn úı satyp alý sııaqty ádis josparlanyp otyr. Mamyr aıynda respýblıka boıynsha alǵashqy páterler beriletin bolady», – dep málimdedi QR IIDM Qurylys jáne turǵyn úı-kommýnaldyq sharýashylyq isteri komıtetiniń ókili Sara Qurmanǵojına. Kópbalaly otbasylar josparlanǵan jalǵa beriletin páterlerdi jalǵa alýshylardyń menshigine berý múmkindigi máselesin kóterdi.
«Mundaı múmkindik qarastyrylǵan. Qaladaǵy jalǵa beriletin páterlerdiń bir bóligi keıinnen satyp alý quqyǵymen jalǵa beriletin bolady», – dep jaýap berdi Sara Qurmanǵojına.
«Elbasy árbir kópbalaly otbasy úshin jyldyq 2 paıyz jeńildikti ıpotekalyq nesıe berýdi tapsyrdy. Úkimette jeńildetilgen ıpoteka berý erejeleri ázirlengennen keıin, ákimdik jergilikti atqarýshy organ retinde olardy is júzinde júzege asyratyn bolady», – dedi Nurkenov.
Qurylys jáne turǵyn úı-kommýnaldyq sharýashylyq isteri komıtetiniń málimetterine sáıkes, turǵyn úı berý baǵdarlamasy boıynsha kópbalaly adamdarǵa 2 paıyz bastapqy jarna keminde 10 paıyzdy quraıdy.
«Páter quny 15 mıllıon teńge bolsa, turǵyn úı qurylys jınaq bankiniń shamamen esepteýi boıynsha otbasyna qajetti tabys 104250 teńgeni quraýy tıis. Bul rette siz ózińizdiń materıaldyq jaǵdaıyńyzdy jaqsartyp, nesıelik baspanadan úmitti bola alasyz», – dedi Sara Qurmanǵojına.
Ol táýelsizdik alǵannan beri Qazaqstanda turǵyn úı qurylysy boıynsha 8 baǵdarlama qabyldanǵanyn atap ótti. Osy ýaqyt ishinde 1,3 mln azamat turǵyn úı jaǵdaıyn jaqsartty. Al ótken jyly 113 myńnan astam turǵyn úı paıdalanýǵa berildi.
