Aımaqtar • 17 Sáýir, 2019

Jympıtyda qalamdar kórmesi ashyldy

957 ret kórsetildi

Batys Qazaqstan oblysy Syrym aýdanynyń ortalyǵy Jympıty selosynda aýdandyq tarıhı-ólketaný mýzeıiniń uıymdastyrýymen «Qalam aldym qolyma, tarıhymdy kórmekke!» atty kórme ashyldy.

Kúnbatys Alashordanyń ortalyǵy bolǵan tarıhı kenttegi Syrym Datuly atyndaǵy tarıhı-ólketaný mýzeıinde ashylǵan erekshe kórmege 40-qa jýyq qalam qoıylypty. «Jazý evolıýsııasynyń tarıhy» dep baǵalaýǵa bolatyn kórmeden sııaǵa matyryp jazatyn kóne qalamush pen sııasaýyttan bastap, túrli qadesyı – óner eskertkishterin de kórýge bolady.

- Qalamsap – bir kezderi saýatty, zııaly adamnyń kúndelikti qoldanatyn buıymy edi. Búginde kompıýter men smartfon ómirimizge ábden enip, qalammen jazýdy umytyp ta baramyz. Bul kórmeni uıymdastyrýdaǵy maqsatymyz – ótkendi umytpaý, qarapaıym quralmen-aq qaıtalanbas tarıh jasaǵan aǵa urpaqtyń myqtylyǵyn jastarǵa túsindirý bolatyn, - deıdi mýzeı dırektory Aınagúl Oıshybaeva.

Kórermen nazaryna usynylǵan eń kóne qalamushtyń «jasy» 60-tan asqan eken. Kórmeniń ashylý saltanatyna kelgen Syrym aýdanynyń ardagerler keńesiniń tóraǵasy Ǵ.Kanalıev, ardager ustaz K.Fedıanın aqsaqaldar úshin bul jádigerler jastyq shaǵynyń kýásindeı boldy. Aǵalar qalamush pen sııa saýyt týraly óz basynan ótken nebir qyzyqty jaıtty ortaǵa saldy.

Jympıtydaǵy kórmede Aq Jaıyq óńirinen shyqqan belgili qalamgerler Juban Moldaǵalıev, Saǵynǵalı Seıitov, Hamza Esenjanov, Baqtyǵul Oıshybaev ustap tutynǵan qalamdar kórgen jannyń kózin qýantty. Qyzyqty qadesyılar, óńirge belgili dáriger Kellerdiń zymyran pishindi qalamsaby, Hamıt Ǵabdýllınniń bir qarandash, bir qalamsaptan turatyn jıyntyǵy, batyr qyz Álııa Moldaǵulovanyń mereıtoıyna arnaıy shyǵarylǵan syı-qalam, Saǵynǵalı Seıitovke syılanǵan alyp qalam, «Aq Jaıyq» trılogııasynyń avtory Hamza Esenjanovtyń sheteldik qaryndashy, osy topyraqtyń týmasy, tarlanboz Qadyr Myrza Áliniń ushty qaryndashy – bulardyń bári keshegi kúnniń kózi, qundy tarıhı jádiger ekeni sózsiz.

Jympıtydaǵy qalamdar kórmesi bir aıǵa sozylmaq.


Batys Qazaqstan

Sońǵy jańalyqtar

Ana tilinde oqýdan nege qashady?

Bilim • Búgin, 00:05

Abaı murasy asqaqtady

Abaı • Búgin, 00:04

Ulttyq mereke

Abaı • Búgin, 00:02

Et máselesine ep kerek

Ekonomıka • Búgin, 00:01

Jedel járdem nege keshigedi?

Medısına • Keshe

Ult ustazy jáne Batpaqty mektebi

Ahmet Baıtursynuly • Keshe

Jaýynger jyr

Tanym • Keshe

Talant pen taǵdyr

О́ner • Keshe

Shıpaly sýlar shejiresi

Aımaqtar • Keshe

Tańbaly tanymy

Tanym • Keshe

Sırk

О́ner • Keshe

Uqsas jańalyqtar