Rýhanııat • 18 Sáýir, 2019

«Bala daýysy» – Batys Qazaqstanda

788 ret kórsetildi

Elimizde «Bala daýysy» ult­tyq balalar án baıqaýy­nyń tórtinshi maýysymy ótip jatyr. Jaqynda baldyrǵan talant­tardyń aımaqtyq irik­teý kezeńi Oral qalasynda ót­ti. Kas­tıngte 115 bala óner kór­setti.

Naýryzdyń 29-ynda Almaty qa­la­­synda bastalyp, eki aıǵa jýyq ýaqytqa sozylatyn irikteý kezeńi Shymkent, Jambyl, Túrkistan, Qy­zyl­­orda jáne Aqtóbe oblystary­nan keıin Batys Qazaqstan óńirine de jetti. 

8 ben 12 jas aralyǵyndaǵy ánshi balalar baıqaýyna sarapshylyq etken qazylar alqasynyń jetekshisi, opera ánshisi Zarına Altynbaevanyń ózi de osyndaı jaýapty saıystyń talaıy­n basynan ótkergen. Sondyqtan da kishkentaı ónerpazdardyń boıyn­daǵy qorqynysh pen tolqýdy jáne ony qalaı jeńýdi jaqsy biledi. Qazylar oraldyq órenderdiń jaýapty synda janyp ketpeı, bar talantymen kórinýine jaǵdaı jasady. «Bala daýy­sy» baıqaýy joǵary deń­geıde ótti. 

Júzden asa kúmis kómeı jas ánshi baq synaǵan baıqaýda tańdaý 10 jasar Túgelbaı Álimjanǵa tústi. №4 mek­teptiń oqýshysy ádemi daýysymen, sahna mánerimen jáne erekshe sezimtaldyǵymen qazylar alqasyn tánti etti. Ol oryndaǵan «Mama» áni tyń­daǵan jannyń júrek qylyn sher­tip, ǵajap kúıge bóledi. 

– Baıqaýdyń qorytyndy nátı­jesi jarııalanar tusta qatty tol­qydym. Saıystyń prodıýseri Farı­da Nııazova sahnadan meniń aty-jónimdi jarııalaǵan sátte qýa­ny­­shym qoınyma syımaı ketti. Baqyt­tymyn, – deıdi kishkentaı jeńimpaz.

Túgelbaı Álimjan endi Qazaq­stannyń ár óńirinen iriktelip shyq­qan 16 jeńimpazben birge «Jul­dyzdy Arman úıinde» ótetin fınal­­dyq saıysqa qatysyp, Batys Qazaq­stan oblysynyń namysyn qorǵaıdy. Baıqaýdyń sýperfınaly aldynda balalar vokal, horeografııa jáne ártistik sheberlik sabaqtaryna qatysyp, sahna óneriniń qyr-syryna úırenedi.

«Bala daýysy – 2019» baıqaýy­nyń jeńimpazy mýzykalyq oqý ornyna arnalǵan bilim granty men Dısneılend ertegiler álemine saıahat joldamasyna ıe bolmaq.
Aıta keteıik, «Bala daýysy» ult­tyq balalar án baıqaýyn Álııa Nazarbaeva basqaratyn «Jan­daný álemi» qory Qazaqstan Respýb­lıka­synyń Tuńǵysh Prezıdenti Qorynyń son­daı-aq Bilim jáne ǵylym mınıs­tr­liginiń qoldaýymen bıyl tórtinshi márte uıymdastyrylyp otyr.

Batys Qazaqstan oblysy
Sońǵy jańalyqtar

Petr Iаn úzdikter qataryna endi

Jekpe-jek • Búgin, 16:05

Erteń Qazaqstan quramasy Beıjińge attanady

Qysqy sport • Búgin, 11:15

Uqsas jańalyqtar