Aımaqtar • 18 Sáýir, 2019

Nur Otan partııasy Batys Qazaqstan oblystyq fılıalynyń kezekten tys HHIV konferensııasy ótti

1062 ret

kórsetildi

3 mın

oqý úshin

Oral qalasynda «Nur Otan» partııasy Batys Qazaqstan oblystyq fılıalynyń kezekten tys HHIV konferensııasy ótti. Jıynda partııanyń kezekten tys HIH sezine Aq Jaıyq óńirinen baratyn delegattar saılandy.

Qazbek QUTTYMURATULY

Nur Otan partııasy Batys Qazaqstan oblystyq fılıalynyń kezekten tys HHIV konferensııasy ótti

Konferensııada sóz alǵan óńir basshysy, fılıal tóraǵasy Altaı Kólginov Qazaqstan Prezıdenti Qasym-Jomart Toqaevtyń kezekten tys Prezıdent saılaýyn ótkizý týraly sheshimin Jaıyq jurty, óńir halqy tolyq qoldaıtynyn jetkizdi.

- Bul bıliktiń turaqtylyǵy men eldiń birligin nyǵaıtý úshin qabyldanǵan ýaqytyly ári óte oryndy sheshim. Memleket basshysy saılaýdyń ashyq ári ádil ótetinine kepildik berip otyr. Halyq bolyp saılaǵan Memleket basshysynyń bedeli joǵary, ózine degen senimi berik bolady, – dedi A.Kólginov. «Nur Otan» partııasy oblystyq fılıaly tóraǵasynyń birinshi orynbasary Serik Súleımenniń aıtýynsha, kúni búgin oblys boıynsha 11 433 turmysy tómen jáne kóp balaly otbasynyń turmystyq jaǵdaıy tekserilip, áleýmettik karta toltyrylǵan. Onyń 6499-y - kóp balaly otbasylar.

2019 jyly shamamen 5 186 otbasy, onyń ishinde 24 481 adam, 15 992 bala ataýly áleýmettik kómekpen qamtylady dep josparlanǵan. Qazirgi tańda 3384 adamnyń ótinishi qabyldandy. «Halyqqa kómek» partııalyq jobasyn iske asyrý aıasynda qoǵamdyq qabyldaý bólmeleri arqyly «Birińǵaı áleýmettik tereze» aksııasy jumys jasaýda. «Aýyl – el besigi» jobasy sheńberinde perspektıvti eldi mekender aıqyndalatyn bolady. Bıyl oblystyń perspektıvti aýyldaryn damytý úshin respýblıkalyq bıýdjetten 1,2 mlrd. teńge qarastyrylǵan.

Partııanyń «Zamanaýı bilim ortalyqtary» jobasy aıasynda kitaphanalardy qazirgi zamanǵy kovorkıng jáne bilim ortalyqtaryna aınaldyrý isi óńirde tabysty júrýde. Mysaly qazir oblysta jastarǵa arnalǵan 11 kovorkıng ortalyq jumys jasap tur.

Buǵan qosa, partııalyq joba aıasynda 100 mekteptiń sport alańy salynýda. Olardyń basym bóligi aýyl mektepterinde. Halyqty turǵyn úımen qamtamasyz etý, bilim berý men densaýlyq saqtaýdyń qoljetimdiligi, el boıynsha ınfraqurylym men turǵyn úı-kommýnaldyq salany jetildirýge baǵyttalǵan «Qutty meken» jobasy aıasynda birqatar jumystar atqarylýda. Bıyl «Nurly jer» baǵdarlamasy boıynsha turǵyn úı qurylysyna 12,9 mlrd. teńge bólinip, bul qarajatqa 19 kóp páterli jáne aýyldyq jerlerde 119 turǵyn úı salynýda. Jyl sońyna deıin 15 kóppáterli jáne aýyldyq jerlerde 50 turǵyn úı men 2051 páterdi paıdalanýǵa berý josparlanýda.

Oblysta quny 5,5 mlrd. teńge turatyn úsh mekteptiń qurylysy bastaldy. Konferensııada sóz sóılegender jergilikti jerde júzege asyrylyp jatqan barlyq baǵdarlama partııa ókilderiniń qadaǵalaýynda bolatynyn aıtty. Jıyn sońynda aǵymdaǵy jyly 23-sáýirde «Nur-Sultan qalasynda ótetin «Nur Otan» partııasynyń kezekten tys HIH sezine baratyn delegattar saılandy.