«Smart Aqmola» memlekettik mekemesiniń jetekshisi Ǵalymjan Bejentaev oblys basshysy Ermek Marjyqpaevqa 2018 jyldyń 24 mamyrynan bastan iske qosylǵan joba barysynan málimet berip, 2019 jylǵa arnalǵan josparlar týraly baıandady.
Jobanyń negizgi tiregi Aqmola oblysynyń geoportaly (geo.smartaqmola.kz) jáne óńir ákimdiginiń aqparattyq-taldamaly júıesi (IAS) bolyp tabylady. Oblysta ortalyqtyń aqparattyq-taldamalyq júıesiniń 1 kezeńi tájirıbelik negizde iske qosylǵan. Mundaǵy «BI-analıtık» júıesi óńirdiń barlyq vedomstvolarynan – aýdandyq bólimderden oblystyq basqarmalarǵa deıin kelip túsetin derekter monıtorıngin óńdeýge jáne paıdalanýǵa baǵyttalǵan. Jedel derekterdiń 800-den astam túri taldanyp, óńdeýden ótkizilýde.
Bul júıe BAQ ınternet resýrstaryn jáne áleýmettik jelilerdiń naqty ýaqyttaǵy málimetterin paıdalanady. Taǵy bir ózekti jańalyq avtomattyq-aqparattyq júıege qosylý arqyly qurylys nysandaryndaǵy barlyq jumys aýqymyn (qujattar derekterin qosyp eseptegende) baqylaýǵa múmkindik týyp otyr. Mundaǵy «Android» platformasy, «Suraý salý», «Anyqtama», «Jańalyqtar» jáne «Týrıstik áleýet» baǵyttary barshaǵa qoljetimdi ekendigi qyzyqtyrady.
Ofıs jumysyn bastaǵaly «Balalardy mektepke jáne balalar baqshasyna qabyldaýdy avtomattandyrý», turǵyn úı-kommýnaldyq qyzmetti sıfrlandyrýdyń «E-KSK» qosymshasy, «Qaýipsiz qala» jobasy, taǵy basqa qyzmetter iske qosylypty. Keń tarmaqty «call-ortalyq», veb-servıs jedel qosymshasy da turǵyndardyń tirshilik qabiletin arttyra túsetini belgili. Kókshetaýlyqtar úshin «smart-kvartal» jobasy óte tıimdiligimen erekshelenedi dep kútilýde. Bul kvartaldarda aqyldy «jaryqtandyrý», «domofon» jáne «shlagbaým» júıesi qyzmet kórsetetin bolady. Sondaı-aq, avtomatty aýa jeldetkishteri, Wi-Fi, arnaıy qyzmetterdi shaqyrý túımeleri men beınebaqylaý kameralary ornatylmaq.
Aqmola oblysy
