Saılaý • 19 Sáýir, 2019

Kásipkerler saılaýdy qoldaıdy

850 ret kórsetildi

Batys Qazaqstan oblystyq máslıhatynda «Nur Otan» partııasynan saılanǵan depýtattar óńirdegi shaǵyn jáne orta bıznes salasyndaǵy kásipkerlermen kezdesip, aldaǵy Prezıdent saılaýyn talqylady.

Prezıdent Qasym-Jomart Toqaevtyń elimizde kezekten tys Prezıdent saılaýyn ótkizý týraly sheshimin qoldaýdan bastalǵan áńgime shaǵyn jáne orta kásipkerlik ókilderiniń el damýyna qosatyn úlesi syndy asa mańyzdy taqyryptarǵa da jalǵasty.

- Biz, bıznes salasynyń ókilderi, saılaýdyń ótýi – kún tártibindegi eń ózekti másele dep sanaımyz. О́ıtkeni, Qazaqstan – óziniń demokratııalyq úrdisterimen búkil álemge tanylǵan memleket. Táýelsizdiktiń alǵashqy kúnderinen bastap bizdiń elimiz Konstıtýsııa talaptaryna saı júrip kele jatyr. Sondyqtan, bul Prezıdent saılaýy óte qajet. Biz sekildi kásip ıeleri úshin, bizdiń jumysymyzdyń alǵa basýy úshin eń qajetti qundylyq – turaqtylyq der edim. Al Qazaqstannyń búgingi turaqtylyǵy – kezekten tys ótkeli otyrǵan Prezıdent saılaýyna tikeleı baılanysty. Búgin osy jıynǵa qatysyp otyrǵan bıznes ókilderi, kásipkerler palatasynyń músheleri, aldaǵy saılaýǵa beıtarap qaraı almaımyz. Bir kisideı belsendi qatysamyz. О́zim oblystyq máslıhat depýtaty bolǵan soń ıyǵyma túsken jaýapkershilik júgin anyq túsinemin: elimizdiń bolashaǵyna, Otanymyzdyń erteńine jaýapty bolatyn Prezıdentti tap basyp tańdaı bilýimiz kerek. Sondyqtan búgingi jıynnyń máni men mazmuny óte joǵary dep esepteımin. Biz aldymyzdaǵy strategııalyq baǵytymyzdy anyqtap, sheshim qabyldaıtyn mejege keldik, - deıdi kásipker, «Otaý-Alan» JShS dırektory, Batys Qazaqstan oblystyq máslıhatynyń depýtaty Lıana Tursynova.

«Nur Otan» partııasy Batys Qazaqstan oblystyq fılıaly tóraǵasynyń orynbasary Serik Súleımenniń aıtýynsha, kezekten tys Prezıdent saılaýyn ótkizý máselesin talqylaý halyqtyń ár sanatynda júrip jatyr eken.

- Elimizdiń Tuńǵysh Prezıdenti-Elbasy 19 mamyrda óz ókilettigin toqtatty, 20 naýryzdan bastap memleket tizginin qasym-Jomart Toqaev ustady. Deıturǵanmen, elimizdiń búginge deıin jetken jetistigi Elbasynyń qajyrly eńbeginiń arqasynda bolǵanyn álem halqy moıyndaıdy. Sondyqtan Qazaqstannyń jańa Prezıdenti Elbasy kýrsyn ary qaraı jalǵastyryp, kezekten tys saılaý arqyly halyq senimin alsa, halyqaralyq qaýymdastyq aldynda da abyroı-bedeli artady. Dúnıejúzilik ınvestorlardyń da senimi nyǵaıyp, Tuńǵysh Prezıdent-Elbasy bastaǵan damý baǵyty jalǵasatynyna senedi, - deıdi Serik Kenjebekuly.

Sońǵy jańalyqtar

Álemdegi eń úlken muzdyq erip ketti

Ekologııa • Búgin, 11:05

15169 adam koronavırýs juqtyrdy

Koronavırýs • Keshe

Uqsas jańalyqtar