Ajal aýzynan qutqaryp qaldy

Sársenbi, 24 qazan 2012 7:24

Yǵy-jyǵy qalanyń sansyz tirshiligine saı munda kúndelikti nebir oqıǵalardyń oryn alyp ja­tatyny qazir eshkimdi de tań­ǵal­dyra qoımaıdy. Degenmen, so­lardyń arasynda qoǵamǵa múlde jat qylyqtardyń kórinis tabýy izgi nıetti jandardyń janyn ja­byr­qatatyny bar. Sondaı kezde polısııa qyzmetkerleri aralaspasa ar­ty ne bolar edi dep oılaı­syz. Mine, sondaı bir oqıǵa Alma­ty qa­la­synyń Áýezov aýda­nynda oryn aldy. Keshkilik jurt­tyń ju­mys­tan úılerine qaıtatyn ýa­qytyn paıdalanǵan otyz bes jas­taǵy áıel qushaǵyna úsh jasar sábıin qysqan kúıi bes qabatty úıdiń tóbesine shyqty. Shyqqan boıda shatyrdyń jıegine ja­qyn­dap, myna ómirden baz keshkendigin bildirip tómenge aıqaı saldy.

Sársenbi, 24 qazan 2012 7:24

Yǵy-jyǵy qalanyń sansyz tirshiligine saı munda kúndelikti nebir oqıǵalardyń oryn alyp ja­tatyny qazir eshkimdi de tań­ǵal­dyra qoımaıdy. Degenmen, so­lardyń arasynda qoǵamǵa múlde jat qylyqtardyń kórinis tabýy izgi nıetti jandardyń janyn ja­byr­qatatyny bar. Sondaı kezde polısııa qyzmetkerleri aralaspasa ar­ty ne bolar edi dep oılaı­syz. Mine, sondaı bir oqıǵa Alma­ty qa­la­synyń Áýezov aýda­nynda oryn aldy. Keshkilik jurt­tyń ju­mys­tan úılerine qaıtatyn ýa­qytyn paıdalanǵan otyz bes jas­taǵy áıel qushaǵyna úsh jasar sábıin qysqan kúıi bes qabatty úıdiń tóbesine shyqty. Shyqqan boıda shatyrdyń jıegine ja­qyn­dap, myna ómirden baz keshkendigin bildirip tómenge aıqaı saldy.

Alas-qapasta shyqqan ashy daýysqa nazar aýdarǵan tur­ǵyn­dar sumdyq kóriniske tap boldy. Anasynyń jat nıetin uǵyn­ǵan­daı bolǵan náreste de sonaý tó­men­de ajaldyń aýzyn ashyp tur­ǵa­nyn baıqaǵandaı qorqynyshtan bajyl­dap qushaqqa tyǵyla tú­sti. Biraq esi-dertin bir-aq nárse jaı­laǵan áıel alǵan betinen qaıtar emes. Jylap, kókiregine jabysa túsken balapanyn qos qoldaı ózinen alys­tata «tastaımyn» dep aı­qaılady. Tómende jınalyp qal­ǵan jurt bes qabatty úıdiń ushar basynan aı­qaılaǵan belgisiz áıel­­diń sá­bıimen birge óziniń jerge sekirýge anyq bekingenin túsindi. Mun­daı qadamǵa bul beıbaqtyń nelikten bel býǵanyn eshkim bile almady. Sondyqtan olardyń ara­synan sol sátte ajalǵa arasha tú­sýge talpyn­ǵan­dary da kórinbedi. Tek álde­qa­laı bireýi polısııaǵa oryn al­ǵaly turǵan sumdyq oqı­ǵa tý­raly habar jiberip úlgerdi. Bul da bolsa sol sáttegi óte durys qadam edi.
Dál osy kezde «Boran-086» patrýldik toby atalǵan úıge taıaý tusta qoǵamdyq tár­tip­ti qa­daǵalap júrgen bolatyn. Olar rasııa arqyly ortalyqtan sum­dyq habardy estisimen bes qabatty úıdiń aýlasyna usha jetti. Adamdar qarasy da kóbeıip qa­lypty. Jaǵdaıdy birden sha­malaǵan top jetekshisi, polısııa aǵa leıtenanty Serik Japarov shatyrǵa kóterilý úshin kireberiske enip ketti de, onyń áriptesi polısııa aǵa serjanty Zaıtjan Aıýpov tómende qaldy. Ol jaǵ­daıdyń tym ýshyǵyp bara jat­qanyn birden baıqap, tóbedegi áıeldi aqylǵa sha­qyrýǵa kiristi. Áriptesi joǵary kóterilgenshe múmkindiginshe ýa­qyt ozdyryp, kelinshekti alǵan betinen kidirte turý kerek. Biraq órshelengen beıbaq eshkimdi tyńdaǵysy da kelmedi.
Amal neshik, qos ómir­di qut­qaram dep joǵa­ry­ǵa qussha kóte­ril­gen polısııa aǵa serjanty S.Ja­­parov áıeldi sábıi­men ustap alý­ǵa úlgere almady. Onyń ıek as­tyndaǵy kórinisti kór­gende tómende turǵan kópshiliktiń jan daýsy shyq­qandaı boldy. Bireýleri qaraýǵa dátteri shy­da­maı kóz­derin kóle­geı­leı berdi. Ana­sy sábıin sonaý bıikten óz qoly­men laq­ty­ryp jiberedi degenge kim sengen. Iá, kópshilik sen­beı turǵan. Alaıda, ómir­den shyn­dap baz keshken áıel qas-qaǵym sátte qu­sha­ǵynan náres­te­sin aıyr­dy da tastap kep jiberdi. Jurt shý ete qaldy. Adamdar ǵana emes, qaty­gezdik sal­darynan ǵımarat­tar da teńselip ketkendeı bol­dy. Oı­la­ma­ǵan oqys oqıǵa qas-qaǵym sátte oryn aldy. Jazyqsyz sábı ys­tyq qu­shaqtan óz ana­synyń aıaly alaqany arqyly ajyrap, bes qa­batty úıdiń tóbe­si­nen keregi joq qý dú­nıe­deı qul­dılaı jó­nel­di. Aǵa­rańdaǵan kıimderi aýa­ny qaq jara zý­laǵan ekpininen jel­birep, qaraǵan jan­­nyń demin taryltyp jiberdi. Kópshilik oryn­darynan qoz­ǵala almaı qal­­dy. Tek polısııa aǵa serjanty Zaıtjan Aıýpov atqan oqtaı aqqan sábıdiń denesi kóz al­dynda tasqa soǵylyp, myl­ja-myljasy shyǵa­ryn bilip, bar qaı­ra­tyn jııa ajal­ǵa qarsy umtyl­dy. Úl­ger­di. Asqan eptilik pen kúshti­lik­tiń ar­qasynda kúnásiz pák sá­bı­di ajal aýzynan qaǵyp aldy. Jurt taǵy shý ete qaldy. Sosyn demderin tereń alyp, jadyrap sala berdi.
О́zine ne bolyp, ne qoıǵanyn túsinbegen ba­la­­ny jedel jetken dári­ger­ler qaýmalap, psıho­lo­­gııa­lyq kómek berý úshin aýrýhanaǵa alyp ketti. Al ony qutqaryp qalǵan polısııa aǵa serjanty Zaıtjan Aıýpov qyzmetin odan ári jalǵastyrýǵa kiristi.

Aleksandr TASBOLATOV,
«Egemen Qazaqstan».