ADAM – QOǴAMNYŃ BASTY BAILYǴY

Keshe Qazaqstan Kásipodaqtary federasııasynda Elbasynyń dástúrli Joldaýynda aıtylǵan adam kapıtalyn damytý máselesin sóz etken dóńgelek ústel otyrysy bolyp ótti. “Adam kapıtaly–eńbek ónimdi­li­gin arttyrýdaǵy eń mańyzdy fak­tor” degen taqyryp áńgime ózegi bol­ǵan dóńgelek ústeldi Qazaqstan Kásip­­odaqtary federasııasynyń tóraǵasy Sııazbek Muqashev ashty. О́ziniń aldaǵy damý jolyn tutas onjyldyqqa baǵyttaǵan eldiń erteńge senimi myqty. Kásipodaqtar bul mańyzdy qujatty qoldaıdy, dedi óz sózinde Sııazbek О́nerbekuly. Joldaýda ónerkásipti jandan­dy­rý­men qatar, adam kapıtaly j­a­ıyn­da, ıaǵnı onyń básekege qabilettiligi tý­rasynda da aıtylǵan. Tek eko­no­mıkany jańǵyrtyp qoımaı, adam sa­nasyna da ózgerister engizý ma­ńyzdy. Eldiń ekonomıkalyq áleýe­tin kóterýde qoǵam múshesiniń yn­ta­lylyǵyn qalaı arttyrýǵa bo­lady. Árbir adam el órkendeýi jolynda óz úlesin qalaı qosýy tıis? Bul má­seleni sheshýdi keshendi qaras­tyrǵan jón. Ol degenimiz– joǵary deńgeıdegi durys eńbekaqy, qaı salaǵa da jańa tehnologııalardy dendep engizý, eńbek qaýipsiz­di­gi­niń saqtalýy, adamdardy túrli qajet mamandyq­tarǵa daıarlaý men qaıta daıarlaý. Sonda biz túpki maqsatymyzǵa jetetin bolamyz, degen tóraǵa kez kelgen qoǵamnyń alǵa jyljýy men ósip, órkendep damýynyń eńbek ónim­diligi artpaı júrgizilýi múmkin emestigin alǵa tartyp, al ol óz dárejesinde bolýy úshin aldymen sol eńbek ónimdiligin art­tyratyn adamdardyń jaǵ­daı­laryn túzeýge mán berý qa­jet­tigine toqtaldy. Munan soń Prezıdent Ákim­shi­ligi Ishki saıasat bólimi meń­ge­rý­shisiniń orynbasary Álııa Ǵa­lymova, Parlament Májilisiniń de­pýtaty, Azamattyq alıans prezıdenti Aıgúl Soloveva, “Aqjol” demokratııalyq par­tııa­sy­nyń tóraǵasy Álıhan Baı­menov, akademık Orazaly Sábden jáne basqa da jumys berýshiler bir­lestikteri men kásipodaqtardyń bas­shylary óz oılaryn ortaǵa saldy. Jınalǵandar keıbir jumys be­rý­shilerdiń óndiristi qaıta jań­ǵyrtý arqyly eńbek ónimdiligin art­tyrýdy qalamaıtynyn, óıtkeni, ol artyq shyǵynǵa ushyratady dep, ke­risinshe arzan jumys kúshin paı­da­lanǵandy jón sanaıtyn­dyq­ta­ryn synǵa aldy. Jumys berýshiler osy­laısha eńbek ónimdiliginiń art­paý­y jumys­shy­lar­ǵa baılanysty degen jeleýdi mal­da­na eńbekaqy mólsherin kóterý múm­kin emes degen oıdy tyqpalaıdy. Túptep kel­gen­de, bul ekono­mı­ka­myz­dyń básekege qabilettiligine keri áserin tıgizedi, sondyqtan ekono­mı­kany qýattan­dy­rý arzan jumys kúshine baı­lan­baýy tıis, degen dóńgelek ústelge qa­tysýshylar Úki­met pen Par­la­ment­ke naqty usy­nys­tar kór­se­tilgen qarar qabyl­da­dy. Onda eli­miz­diń birqatar zańd­ary­na óz­gerister engizýmen qatar, adam ka­pı­talynyń básekelestigin jedel art­tyrý strategııasynyń memle­kettik tujyrymdamasyn ázirleýdi qol­ǵa alý syndy qadaý-qadaý máseleler kórsetilgen. Anar TО́LEÝHANQYZY.