Eki orynǵa – úsh úmitker
Senbi, 16 maýsym 2012 6:47
14 maýsym kúni S tobynda da ekinshi týrdyń oıyndary oınaldy. Ol Irlandııa quramasynyń kelesi kezeńge ótý úmiti birjola úzilgenin baıan etkenimen, qalǵan eki oryndy úsh komandanyń qaısysy alatyny máselesin ashyq qalpynda qaldyrdy.
Tap qazir shırek fınalǵa shyǵý múmkindigin 4 upaıy bar Ispanııa men Horvatııa da, olardan 2 upaı kem jınaǵan Italııa da joǵalta qoıǵan joq. Týrnır kestesindegi osyndaı almaǵaıyp ahýaldy beısenbi kúni Italııa-Horvatııa, Ispanııa-Irlandııa quramalary arasynda bolyp ótken kezdesýler týyndatty.
Senbi, 16 maýsym 2012 6:47
14 maýsym kúni S tobynda da ekinshi týrdyń oıyndary oınaldy. Ol Irlandııa quramasynyń kelesi kezeńge ótý úmiti birjola úzilgenin baıan etkenimen, qalǵan eki oryndy úsh komandanyń qaısysy alatyny máselesin ashyq qalpynda qaldyrdy.
Tap qazir shırek fınalǵa shyǵý múmkindigin 4 upaıy bar Ispanııa men Horvatııa da, olardan 2 upaı kem jınaǵan Italııa da joǵalta qoıǵan joq. Týrnır kestesindegi osyndaı almaǵaıyp ahýaldy beısenbi kúni Italııa-Horvatııa, Ispanııa-Irlandııa quramalary arasynda bolyp ótken kezdesýler týyndatty.
Aldymen Poznanda bulardyń aldyńǵy juptary ushyrasty. Oıyn barynsha qyzyqty da, tartysty ótti. Munda negizinen ıtalıandar basymyraq oınaǵanymen, sáttilik serik qura qalǵan jaǵdaıda horvattardyń da jeńip ketetindeı retteri boldy. Olar jeńiske jetkende, shırek fınaldyń joldamasy qaltalarynda turǵan bolar edi. Al ıtalıandar tabysqa jetse, osy ýaqyt sheńberinde ǵana top bastaıtyn. Biraq domalaq dop bulardyń eki jaǵyna da tarazy basynyń aýýyna jol bermedi. Esep – 1:1. Oıynnyń shamasy da osyndaı.
Álem men Eýropanyń chempıony – Ispanııa quramasynyń oıynyna kóńili tolmaı júrgen aǵaıyn kóp qazir. Sodan bolar, osy birinshilik bastalar aldynda olardy biraz jurt favorıtter qataryna qospady. Ispandar tipti birinshi matchta ıtalıandarmen teń oınaǵannan keıin de sol salqyndyq seıile qoımaǵan. Osy kúdik komandanyń ırlandtyqtardy 4:0 etip qırata jeńgeninen keıin de ada-kúde ketti dep aıta almaımyz. Sebebi, alda shırek fınaldyń taǵdyryn sheshetin sońǵy synaq tur. Ol endigi úshtiktiń (Ispanııa, Horvatııa, Italııa) qatarynan eki quramaǵa ǵana en taǵatyn bolady.
Keshe túnde toptarda ekinshi týrdyń oıyndary tolyq oınalyp bitti. Bul kúni Ýkraına Fransııadan 0:2 esebimen utylyp qaldy.
_______________________
Oılar, pikirler, kózqarastar
Vısente del BOSKE, Ispanııa quramasynyń bas jattyqtyrýshysy: – Irlandııany 4:0 esebimen jeńgenimizge qýanyshtymyn. Biraq bul kelesi oıynǵa qalaı bolsa solaı qaraıtynymyzdy bildirmeıdi. Biz alańǵa qalaıda Horvatııany jeńý úshin shyǵamyz.
Djovannı TRAPATTONI, Irlandııa quramasynyń bas jattyqtyrýshysy: – Men óz jankúıerlerimizdi aıaımyn. Biz osy matchtyń aldynda ózimizdi qandaı syn kútip turǵanyn jaqsy bildik. Ispanııanyń ortańǵy shebi myqty ekeni de aıan edi. Bárin tez jiberip alǵan gol búldirip ketti. Endi Italııaǵa qarsy oıynda barymyzdy salamyz.
Djanlýıdjı BÝFFON, Italııa quramasynyń qaqpashysy: – Biz búgin jeńis úshin oınap edik. Biraq qansha jaqsy oınaǵanymyzben, ózimiz ıgere almaıtyn jaǵdaıǵa tap boldyq. Kem degende, úsh ret gol soǵatyn múmkindikti jiberip aldyq. Kelesi aptada ıspandar men horvattar ózara kelisip alyp oınamaıtyn shyǵar dep oılaımyn. Sonda bizdiń baǵymyz janady.
___________________________
Match mınıatıýralary
* Beısenbi kúni S tobynda Italııa-Horvatııa, Ispanııa-Irlandııa kezdesip, ekinshi týrdyń oıyndaryn oınady. Olarda 6 gol soǵyldy. Bulardyń 2-ýi birinshi, 4-ýi ekinshi taımdarda salyndy.
* Bul matchtardy stadıondarda 76 246 kórermen tamashalady. Al chempıonat bastalǵaly stadıondarǵa 599 115 adam jınaldy.
* Chempıonat basynan beri oınalǵan 14 oıynda 39 gol soǵyldy. Ár oıynda soǵylǵan ortasha dop sany – 2,78.
* О́tken eki oıynda taǵy bir dýbl tirkeldi. Ispanııa quramasynyń shabýylshysy Fernando Torres ırlandyqtar qaqpasyna 2 dop saldy. Chempıonattyń mergender kóshin 3 golmen bastap kele jatqan Alan Dzagoev (Reseı) pen Marıo Gomestiń (Germanııa) qataryna horvat Marıo Mandjýkovıch qosyldy. Ol sońǵy oıynda ıtalııalyqtar qaqpasyna taǵy bir dop túsirdi. Al ekinshi taımda alańǵa Fernando Torrestiń ornyna shyqqan Sesk Fabregas taǵy bir gol soǵyp, doptary sanyn ekeýge jetkizdi. Qalǵan goldardy ıtalııalyq Andrea Pırlo men ıspan Davıd Sılva óz esepterine jazdy.
* О́tken eki oıynda 8 oıynshy eskertý aldy. Jalpy, birinshilik bastalǵaly 50 fýtbolshyǵa «sary qaǵaz» kórsetildi.
* Úzdik oıynshy ataǵyna Stıpe Pletıkosa (Horvatııa) men Davıd Sılva (Ispanııa) ıe boldy.
__________________________________
Derekter men dáıekter
Lýka Modrıchtiń «Tottenhemdegi» keleshegi kúmándi. Bul klýb jazǵy transfer kezinde bas jattyqtyrýshy Harrı Rednapty otstavkaǵa jibergennen keıin horvat fýtbolshysyna jańa komanda izdeýge týra keletin túri bar. Muny onyń áriptesi Vedran Chorlýka qýattap otyr.
Djennaro Gattýzo shveısardyń «Sıonyna» aýysatyn sııaqty. Italııalyq jartylaı qorǵaýshy mamyr aıynda-aq óziniń «Mılannan» ketetinin málimdep qoıǵan. Onyń endigi baratyn komandasy Alpi taýynyń joǵarǵy jaǵynda ekenin ıtalııa ınternet basylymdary jarııalap jiberdi.
Chempıonat bastalǵaly ýkraın mılısııasy 14 qaltarmandy ustady. Arada ótken 6 kúnniń ishinde qoǵamdyq tártip saqshylary jurttyń qaltasyna túsip júrgen osynshama uryny joldan qaǵypty. Biraq birinshilik bitkenshe baýkespelerdi qaıda jiberetinderin ishki ister organdarynyń ókilderi aıtyp otyrǵan joq.
Gıorgos Samaras jalpy topqa oraldy. Grekııa quramasynyń shabýylshysy alyp qalǵan jaraqatynyń jazyla bastaýyna baılanysty jattyǵýǵa qaıta kiristi. Ol birden jalpy toptyń quramynan oryn aldy.
Horvat jankúıerleri Poznan ortalyǵynda Eýroodaq týyn otqa jaqty. Bul oqıǵa Italııa-Horvatııa kezdesýi qarsańynda oryn aldy. Olar áskerı qylmysker Ante Gotovınanyń keskini beınelengen posterdi ustap mıtıng ótkizdi. Polısııa olardyń tirlikterin syrttaı baqylap turdy. Biraq aralaspady.
