“Qazaqstan Respýblıkasy Almaty qalasynyń óńirlik qarjy ortalyǵynyń qyzmetin retteý agenttigi kórsetetin memlekettik qyzmetter standarttaryn bekitý týraly” Qazaqstan Respýblıkasy Prezıdentiniń 2010 jylǵy 4 naýryzdaǵy №932 Jarlyǵyna TÚSINIKTEME

2010 jylǵy 4 naýryzda Memleket basshysy “Qazaqstan Respýblıkasy Almaty qalasynyń óńirlik qarjy ortalyǵynyń qyzmetin retteý agenttigi kórsetetin memlekettik qyzmetter standarttaryn bekitý týraly” Jarlyqqa qol qoıdy. Atalǵan Jarlyqpen zańdy tulǵalarǵa Qazaqstan Respýblıkasy Almaty qalasynyń óńirlik qarjy ortalyǵynyń qyzmetin retteý agenttigi (budan ári – Agenttik) kórsetetin memlekettik qyzmetterdiń mynadaı bes standarty bektildi: 1) “Zańdy tulǵalardy – Almaty qalasynyń óńirlik qarjy ortalyǵynyń qatysýshylaryn memlekettik tirkeý (qaıta tirkeý)”; 2) “Almaty qalasynyń óńirlik qarjy ortalyǵynyń qatysýshylaryn akkredıtteý”; 3) “Almaty qalasynyń óńirlik qarjy ortalyǵynda qyzmetin júzege asyrý úshin Qazaqstan Respýblıkasynyń aýmaǵyna keletin sheteldikter men azamattyǵy joq adamdarǵa vızalar berý týraly ótinishhat berý”; 4) “Almaty qalasynyń óńirlik qarjy ortalyǵynyń arnaıy saýda alańyna jiberilgen qarjy quraldary emıtentteriniń aýdıtine jumsalǵan shyǵyndardy óteý”; 5) “Almaty qalasynyń óńirlik qarjy ortalyǵy qatysýshylarynyń qujattamasyn qarjy ortalyǵynyń organdaryn qospaǵanda, memlekettik organdarǵa berý úshin aǵylshyn tilinen memlekettik jáne orys tilderine aýdarý”. Bekitilgen standarttarmen Agenttiktiń zańdy tulǵalarǵa memlekettik qyzmetter kórsetý (budan ári – qyzmet kórsetý) tártibi belgilenedi. Qyzmet kórsetý úderisiniń, nysanynyń, mazmuny men nátıjesiniń sıpattamalaryn qamtıtyn talaptar aıqyndalǵan. Osylaısha, standarttarmen qyzmetterdi alý úshin zańdy tulǵalar usynatyn qajetti qujattardyń tizimi, qyzmetter kórsetýdiń merzimi, qyzmetterdi resimdeý kezindegi Agenttiktiń ishki qyzmetin uıymdastyrý men onyń tártibi aıqyndalǵan. Qyzmet kórsetýlerdi toqtata turý ne odan bas tartý úshin negizdemeler belgilengen. Standarttarda Agenttiktiń qyzmetti resimdeıtin qyzmetkerleri basshylyqqa alatyn jumys qaǵıdattary, olardyń áreketine (áreketsizdigine) shaǵymdanýdyń tártibi kórsetilgen. Árbir qyzmet standartyna sapa men qoljetimdilik kórsetkishteri jáne normatıvtik mándi kórsetkishter qosa berilgen. Osy Jarlyq Agenttik kórsetetin qyzmetterdiń sapasyn arttyrýǵa múmkindik beredi jáne Almaty qalasynyń álemdik standarttarǵa saı básekege qabiletti qarjy ortalyǵy retinde qalyptasýyna septigin tıgizetin bolady. Jarlyqtyń tolyq mátini “Egemen Qazaqstan” jáne “Kazahstanskaıa pravda” gazetteriniń 2010 jyl­ǵy 12 naýryzdaǵy nómirlerinde jarııalanyp, Agent­tiktiń www.rfca.gov.kz ınternet-resýrsynda or­nalastyrylǵan jáne Qazaqstan Respýblı­kasynyń Prezıdenti men Qazaqstan Respýblıkasy Úkimetiniń aktiler jınaǵynda jaryq kóretin bolady. Qazaqstan Respýblıkasy Prezıdenti Ákimshiliginiń Áleýmettik-ekonomıkalyq monıtorıng bólimi.