«KITAP SHOY´- 2019» baǵdarlamasyna oraı ótken kitap kórmeleri, ádebı vıktorınalar jáne teatrlandyrylǵan kórinister, tanymal jazýshylarmen kezdesýler, kitaptardyń tusaýkeserleri jáne t.b. is-sharalar oqyrmandar kóńilinen shyqty. Shara barysynda Almaty qalasy Mádenıet basqarmasynyń basshysy Nurlan Sydyqov, Almatydaǵy IýNESKO Klasterlik bıýrosynan Sergeı Karpov, Ulttyq kitaphana dırektory Baqytjamal Ospanova, Almaty qalasyndaǵy Gete ınstıtýty kitaphanasynyń aqparattyq ortalyq bóliminiń basshysy Sholpan Qyzaıbaeva, t.b. kitap merekesine kelgen qonaqtardy quttyqtap, jyly lebizderin bildirdi.
Qalanyń kitap mádenıetin damytýǵa, kitap oqýǵa tartýǵa, sapaly ádebıetti basyp shyǵarýǵa jáne tanymal etýge yntazar jandar bas qosqan kitap merekesinde kóp kitap oqıtyn otbasy, jyldyń úzdik avtory, úzdik kitaphana, eń kishkentaı oqyrman syndy atalymdar boıynsha jeńimpazdaǵa arnaıy syı-sııapattar úlestirildi.
