Qaraǵandy, Shý, Jambyl jáne Arys jol dıstansııasy ýchaskelerinde kúsheıtilgen ortasha jol jóndeý jumystary júzege asyrylýda.
Jumysqa zamanaýı jol tehnıkalary: Duomatic túzetý-tyǵyzdaý mashınasy, DGS joldardy turaqtandyrǵysh, PBR ballastty jaıyp tegisteýshi, RM shaǵyltastardytazartýshy mashına jáne ózgeleri de tartylǵan.
Búgingi tańda shamamen 17 km jol kúrdeli, al 9 km astam jol kúsheıtilgen ortasha jóndeýden ótkizildi. RM shaǵyltastardytazartýshy mashınalarymen 32,775 km kólemindegi jumystar oryndaldy.
Tolyqtaı alǵanda, 2019 jyly 730 km astam joldy saýyqtyrý, sonyń ishinde shamamen 400 km kúrdeli, al 200 baǵyttamaly burma jóndeýmen qamtylady. Sondaı-aq qoldan jasalǵan qurylǵylardy aǵymdaǵy, al Semeı – Jańa – Semeı ýchaskesindegi metal kópirdi kúrdeli jóndeý josparlanýda.
Joldy jańǵyrtý júk jáne jolaýshylar poıyzdary qozǵalysynyń jyldamdyǵyn kóterýge, temirjol ınfraqurylymynyń senimdiligin arttyrýǵa múmkindik beredi.
