PARTIIа MINDETI – HALYQ SENIMINEN ShYǴÝ

Keshe “Nur Otan” halyqtyq-demokratııa­lyq partııasy fraksııasy músheleriniń respýb­lıkalyq forýmy ótti. Forým jumysyna “Nur Otan” HDP Tór­aǵasynyń birinshi orynbasary Nurlan Nyǵmatýlın, Par­lament Senatynyń Tóraǵasy Qasym-Jomart Toqaev, Par­lament Májilisiniń Tóraǵasy Oral Muhamedjanov, Premer-Mınıstrdiń birinshi orynbasary О́mirzaq Shókeev, Úkimet músheleri, Prezıdent Ákimshiligi men Premer-Mınıstr Keńsesiniń ókilderi, Parlament palatalarynyń depýtattary, barlyq deńgeıdegi máslıhattardaǵy “Nur Otan” HDP fraksııalarynyń basshylary men hatshylarynan turatyn 600-den astam adam qatysty. Halyq pen bılik arasyndaǵy ózara túsinistik pen mártebeli min­detterdi júzege asyrýda “Nur Otan” halyqtyq-demokratııalyq par­tııasyna júktelgen jaýapker­shi­liktiń salmaǵy aıtarlyqtaı aýyr ekendigi belgili. Sondyqtan da bolsa kerek, partııa múshe­leri­niń saıası belsendilikteri kún saıyn arta túsip keledi. El halqy tur­mysy men ómir súrý sapasyn meı­linshe jaqsartýda partııa uıym­darynyń tikeleı basshylyǵy men qadaǵalaý nátıjesindegi ju­mys­tar tııanaqty atqarylý ústin­de. Alaıda, senim men údeniń aıa­syn keńeıtýge de asa mán bergen jón. Forýmdy júrgizgen “Nur Otan” HDP Tóraǵasynyń birinshi orynbasary Nurlan Nyǵmatýlın aldymen jýyrda Almaty obly­sy­nyń Qyzylaǵash aýylyndaǵy bol­ǵan sý tasqynynan qaza bol­ǵan­dar­dyń týystary men jaqyn­darynyń qaıǵysyna ortaqtasý úshin bir mınóttik únsizdik jarııa­lady. Sodan keıin “Nur Otan” HDP de­pýtattyq fraksııasy men Úkimet mú­sheleri, basqa da qaty­sýshylar Elbasy Nursultan Na­zar­baevtyń “Jańa onjyldyq – jańa eko­nomıkalyq órleý – Qa­zaqstannyń jańa múmkindikteri” Joldaýynyń júzege asyrylý ba­ry­syn jan-jaqty talqylaýǵa kiristi. Forým barysyndaǵy jasalǵan baıandamalardyń mańyzdylyǵyna toqtalmas buryn, “Nur Otan” HDP Tóraǵasynyń birinshi oryn­ba­sary Nurlan Nyǵmatýlın: “Búgingi kúni Prezıdentimiz Nur­sultan Ábishuly Nazarbaev basqa­ra­tyn “Nur Otan” HDP múshele­riniń sany 700 myńnan asyp, Qazaqstannyń árbir azamatynyń jaǵdaıyn jaqsartýǵa, eńbekpen qamtamasyz etýge, sapaly bilim men medısınalyq kómek kórsetýge úlken úles qosyp keledi. Osy jolda qol jetken jetistikterimiz barshylyq. Biraq, onymen toqtaýǵa bolmaıdy. Alda atqarar ister odan da kóp. Bul jumystardy odan ári tıimdi jalǵastyrýda, mańyzdy josparlar men jobalardy oıda­ǵy­daı júzege asyrýda, ásirese, Par­la­ment pen jergilikti máslıhat depýt­attaryna, atqarýshy organ ókilderine artylatyn senim óte zor”, – dep aımaqtyq barlyq deń­geıdegi depýtattarǵa jaýapty min­detter týrasynda taǵy da eskertip ótti. Memlekettik organdardyń Halyqtyq tuǵyrnama mindetterin júzege asyrý jumystarynyń at­qarylýy jóninde de sóz etti. Aı­maqtardy damytýda, bıýdjetterdi bekitý týraly sheshimderdi qabyl­daýda, kadrlyq máseleler men jer­gilikti jerlerdegi naqty jaǵ­daılar boıynsha el men partııa qury­lymdarynyń yqpalyn art­ty­rýda máslıhattar men partııalyq fraksııalardyń róli joǵary eken­digi de atap kórsetildi. Forým barysynda Parlament Májilisiniń Tóraǵasy, Májilistegi “Nur Otan” HDP fraksııasynyń basshysy Oral Muhamedjanov “Nur Otan” partııasy men depý­tat­tyq korpýs Memleket basshy­sy­nyń Qazaqstan halqyna Jol­daýynda aıtylǵan mindetter men strategııalyq damý josparynyń oryndalýyn qatań baqylaýǵa ala­tyndyǵy týraly aıtyp, partııa­nyń óńirdegi is-áreketin salmaq­tan­dyra túsý úshin onyń múshele­riniń jumysyn odan ári kúsheıte túsý kerektigin tilge tıek etti. Forým jumysynda baıandama jasaǵandardyń biri Eńbek jáne halyqty áleýmettik qorǵaý mı­nıstri Gúlshara Ábdiqalyqova boldy. Onyń aıtýyna qaraǵanda, bıyl zeınetaqyny 25 paıyzǵa arttyrýdyń nátıjesinde atalǵan áleýmettik tólemderdiń tómengi mólsheri 18 myń 325 teńge bolsa, ortasha kórsetkishi 27 myń 481 teńgege jetken. “Kelesi jyly zeınetaqyny 30 paıyzǵa ósirýdiń arqasynda osy saladaǵy kórset­kish­ter 2007 jylmen salys­tyr­ǵan­da, 2,5 esege ulǵaıady. Al elimizdiń qarjylaı turaqty zeı­netaqy júıesin qalyptastyrý aıasynda zeınetaqy mólsherin burynǵy tabysqa sáıkestendirý jumysy júrgiziledi”, – dedi mı­nıstr. Sonymen qatar, Uly Otan soǵysy ardagerlerine 65 myń teń­geden kómek beriletindigi týraly naqtylaı kelip, Uly Otan soǵy­sy­na qatysqandardyń sanatyna kire­tinderge – 25 myń teńge, ekinshi ret nekege turmaǵan áskerılerdiń jesir­lerine – 25 myń teńge, tyl eńbekkerlerine – 10 myń teńge jáne soǵys múgedekteri men olarǵa teńestirilgen azamattardyń jubaı­laryna – 25 myń teńge kóleminde áleýmettik kómek kórsetiletindigi men bul maqsattarǵa 4,8 mlrd. teń­ge bólinip otyrǵandyǵyn aıtty. Forým barysynda “Nur Otan” HDP Qostanaı, Shyǵys Qazaqstan, Qaraǵandy, Jambyl, Almaty ob­lys­tyq fılıaldaryndaǵy partııa ókil­deri óz óńirlerindegi atqaryl­ǵan naqty is-sharalardyń nátıje­leri­men tanystyryp ótti. Partııa­nyń áleýmettik saıasatyn tolyq­qandy júzege asyrýǵa, agroóner­kásiptik óndiristerdi damytýǵa, aýyldaǵylardyń turmys deńgeıin kóterýge, jastardy aýylda qal­dy­rýǵa, ár aımaqtarda birlik, turaq­tylyq pen beıbitshilikti saqtaýǵa basa nazar aýdarylatyndyǵyn atap kórsetti. Solardyń ishinde qo­ǵam­dy modernızasııalaýdy júzege asyrýda ár aımaq, ár óńir jeke óz bastarynan bastaý kerektigi týraly, sonymen qatar, depýtat­tar­dyń ınternet resýrsyn tıimdi paıdalaný arqyly aqparattyq tehnologııaǵa beıimdelý kerektigi jó­nindegi oń pikirler ortaǵa salyndy. Forým sońynda qatysýshylar Qazaqstan azamattaryna “Ekono­mı­kanyń shıkizattyq, eksten­sıvti, tehnıkalyq artta qalý sıpatyn batyl eńserip shyǵýy úshin búkil qoǵamnyń, árbir azamattyń kúsh-jigerin biriktirý qajet degen toq­tamǵa keldi. Ekonomıkanyń naqty ári jedel ártaraptandyrylýy men onyń ınnovasııalyq-tehnologııa­lyq jańǵyrýy – bizdiń basty maq­satymyz bolýǵa tıis” atty ún­deý jarııalady. Bul úndeý barlyq qazaqstandyqtardy elimizdiń 2020 jylǵa deıingi strategııalyq damý josparyn júzege asyrý úderisine belsene qatysýǵa shaqyrady. Araı ÚIRENIShBEKQYZY.