66 kılo salmaqta Arman «Suńqar» Ospanov uzaqqa sozylǵan úzilisten keıin oktagonǵa qaıta oraldy. Jaýngerlik sambodan álemniń úsh dúrkin chempıony degen ataǵy bar qandasymyz 27 jastaǵy germanııalyq Lom-Álı «Arystan» Eskıevpen kúsh synasty. Osyǵan deıin 19 kezdesý ótkizip, 15 márte jeńiske jetken nemis sportshysy da osal emes edi. Birinshi kezeńde Eskıev sál basymdyq tanytty. Al ekinshi kezeń bastalǵan bette «Suńqar» samǵap kelip, qarsylasyn tizemen týra bastan tepti. «Arystan» aýyr nokaýt aldy.
93 kılo salmaqtaǵy Evgenıı «Metıs» Egemberdıev kezinde bokstan jastar arasyndaǵy álem birinshiliginiń júldegeri atanǵany belgili. Sol sebepti de reseılik Batraz Agnaevqa qarsy jekpe-jekte ol tik turyp aıqasýdy kup kórdi. Nátıjesinde ekinshi kezeńde Soltústik Osetııanyń týmasyn bizdiń jigit aýyr soqqylardyń astyna alyp, aıqyn jeńiske jetti.
