«Quramynda 200-ge jýyq qyzmetkeri bar shyǵarmashylyq ujym 16 jyldyń ishinde úsh halyqaralyq jáne bir respýblıkalyq teatr festıvaliniń bas júldesin, birneshe ret ataýly nomınasııany ıelengen. Qur qol qaıtqan kezimiz joq. Aldaǵy josparlarymyz týraly aıtar bolsaq, zamanymyzdyń zańǵar jazýshysy, kemeńger qaıratker Á.Kekilbaevtyń 80 jyldyǵyna oraı TÚRKSOI uıymymen jáne Mádenıet jáne sport mınıstrliginiń qoldaýymen «Ábish álemi» atty I Halyqaralyq teatr festıvalin ótkizýge daıyndalyp jatyrmyz. Osy saparymyzda shymkenttik kórermenderge «Shyńyraý» (drama), «Atyń óshsin,...!» (tragıfars), «Álıhannyń amanaty» (rekvıem), «Hanýma» (pop-art mýzykalyq komedııa) qoıylymdaryn usynbaqpyz», dedi Toqtamurat Tileý.
«Elimizdegi eń jas teatr bolsaq ta akterlerimiz ózderin shyǵarmashylyq turǵydan únemi shyńdap keledi», deıdi qonaqtar. Onyń jarqyn dáleli retinde «Daryn»Memlekettik jastar syılyǵynyń jáne «Eńlikgúl» kásibı syılyǵynyń ıegeri Medǵat О́mirálıevti aıtýǵa bolady. Munan bólek, teatr ártisteri otandyq serıaldar men fılmderge («Kúlásh», «Qyz joly», «Aqyldyń kilti», «Tar zaman», «Balýan Sholaq») túsip, ultymyzdyń kóptegen memleket jáne óner qaıratkerleriniń rólderin sátti somdap, respýblıka kórermenderiniń arasynda tanymaldylyqqa ıe bolǵan.
