Elbasy Nursultan Nazarbaevtyń bes áleýmettik bastamasynyń bastapqysy «7-20-25» turǵyn úı baǵdarlamasyn júzege asyrý jáne ár otbasyna baspanaly bolýǵa múmkindik jasaý bolatyn. Jetekshi partııa qoǵamdyq keńesiniń kóshpeli otyrysynda osy oraıda Qostanaı oblysynda júzege asyp jatqan jumystar týraly aıtyldy.
Jańabaı Bısembaev Elbasynyń osy bes áleýmettik bastamasy ómirge joldama alǵaly partııa fılıaly osymen altynshy ret qoǵamdyq keńes otyrysyn ótkizgenin atap ótti.
«Baspana baǵdarlamasy halyqtyń áleýmettik áljýaz toptaryna, bıýdjet qyzmetkerlerine óte tıimdi ekenin ómir kórsetti. Eń bastysy, óńirde turǵyn úı qurylysy qarqyndy júrip jatyr. Elbasy ataǵan baǵdarlamanyń júzege asýyna merdiger qurylys kompanııasy ǵana emes, jergilikti atqarý organdary men 2-shi deńgeıli bankter de qatysyp otyr. Búgin kóshpeli otyrysqa olardyń ókilderi qatysyp otyr» dedi Jańabaı Joltaıuly.
Respýblıkalyq ulttyq banktiń Qostanaı oblystyq fılıaly qarjy-baqylaý uıymynyń bastyǵy Áset Qýanyshbaev «7-20-25» baspana baǵdarlamasynyń júzege asýyna 2-shi deńgeıli bankterdiń atsalysyp otyrǵanyn tilge tıek etti.
«Oblysta «Sentrkredıt banktiń» oblystaǵy fılıaly aldyńǵy orynda keledi. Ol osy baǵdarlama boıynsha turǵyndardan 195 ótinish qabyldap, onyń 169 ótinishin maquldaǵan. Qazirgi ózekti másele turǵyndardyń kredıtti óteýge qarjylaı múmkindikteriniń azdyǵy ǵana bolyp otyr. О́tinish pen qujattaryn bankterge nebári 3 kúnde rásimdeýge bolady» dedi Áset Qýanyshbaev.
Jalpy oblysta «7-20-25» baǵdarlamasyna qatysyp otyrǵan 2 –deńgeıli alty bankter arqyly 453 turǵyn baspana alýǵa talabyn bildirgen. Bankter osynyń 306 ótinishin maquldap, kredıt beretin boldy.
Oblystyq qurylys, arhıtektýra jáne qalaqurylysy basqarmasynyń mamany Ásel Orazbekova bul kórsetkish respýblıka boıynsha 7 orynda ekenin aıtty.
«Bul ótinishterge beriletin qarjynyń quny 2 mıllıard 347 mıllıon teńge bolady. Qostanaı oblysy turǵyndardyń 2-shi deńgeıli bankter arqyly baspana alýǵa suranys berýi jáne ótinishteriniń qoldaý tabýy jóninen respýblıkada 7-shi oryn alamyz. Bul jaman kórsetkish emes» dedi Ásel Orazbekova.
Kóshpeli otyrysqa qatysqandar Elbasynyń áleýmettik bastamasynyń -biri «7-20-25» baǵdarlamasynyń júzege asýyna oblysta múmkindik bar ekenin, eń bastysy úıler jetkilikti salynyp jatqandyǵyn aıtty. Bir «BK-stroı» qurylys kompanııasynyń ózi Qostanaı qalasynda 11 úı salyp jatyr. Sol úılerden 250 páterdi osy baǵdarlama boıynsha satatyn bolady.
Bıyl oblysta byltyrǵy satylmaı qalǵan páterlerdi qosa eseptegende bıyl paıdalanýǵa beriletin úılerden barlyǵy 600 páter turǵyndarǵa 2-shi deńgeıli bankter arqyly satylady.
Qostanaı
