- Ortalyq zamanaýı kardıohırýrgııanyń barlyq baǵyttaryn biriktiredi, - dedi Ádil Dúrjanov. – 2015 jyldan beri júrek aqaýy bar jańa týǵan sábılerge de ota jasaý múmkindigi týdy.
Salmaǵy 700 gramdyq sábılerge de ota jasaıtyn neonatologtar men bala reanımatologtar jumys isteıdi.
Qazirgi kezde kardıoortalyq zamanaýı kardıohırýrgııa men ıntervensııalyq kardıologııanyń barlyq baǵyttaryn biriktiredi jáne eresekterge de, balalarǵa da kómek kórsetedi.
Depýtat Aleksandr Sýslov: - Elimizdegi halyqtyń ortasha ómir súrý uzaqtyǵyn 80 jasqa deıin jetkizetin sizdersizder, - dedi. - Kórip turǵanymyzdaı adam densaýlyǵyn saqtaý, emdeý úshin ortalyqta barlyq jaǵdaı jasalǵan. Al biz – turǵyndar, óz kezegimizde, sportpen shuǵyldanýymyz kerek.
Mysaly, ortalyq basshysy kardıohırýrg Ádil Dórjanovtyń ózi ashyq júrekke ózi 2000-astam ota jasaǵan. О́ńirimizde eresekter jáne balalar kardıohırýrgııasy, rentgenendovaskýlıarlyq kardıohırýrgııasy jáne arıtmologııasy damyp keledi. Ortalyq ınnovasııalyq tehnologııalarǵa, shaǵyn ınvazıvti báseń hırýrgııaǵa, qujat aınalymynyń sıfrlandyrylýyna jáne zamanaýı menedjmentke kóńil bólýde.
- Qazirgi kardıohırýrgııa men ıntervensııalyq kardıologııanyń barlyq baǵytyn biriktirip, eresekterge jáne balalarǵa da kómek kórsetýde, - deıdi kardıohıýrýg.– Sondyqtan, da biz mamandardyń sanattaryn arttyrýǵa basymdylyq beremiz. Sheteldik mamandardyń qatysýymen birneshe sheberlik sabaǵyn ótkizildi. Sondaı-aq, depýtattar ortalyq dárigerlerimen kezdesti. Oblystyń bas anestezıology Inna Glovaskaıa Májilis depýtattarynan anestezıologtar men reanımatologtarǵa jaǵdaı jasaýdy ótindi.
- Elimizdiń Densaýlyq saqtaý mınıstrligi hırýrg, gınekolog pen neonatologtardyń zeınetke erte shyǵýy múmkindigin qarastyrýda. Anestezıologtar men reanımatologtar psıhoemosııalyq kúızeliske jıi ushyraıtyn mamandyqtar bolýy sebepti, olardy da zeınetke erte shyǵatyn dárigerler tizimine engizý kerek, - dedi Inna Glovaskaıa.
Depýtattar bul máseleni jan-jaqty qarastyrýǵa ýáde berdi.
PAVLODAR
Sýret Nur Otan partııasy fılıalynan alyndy
