Aımaqtar • 05 Mamyr, 2019

Túrkistan: Taý bókterinde demalys oryndary kóbeıýde

1699 ret kórsetildi

Túrkistan oblysy, Tólebı aýdanynda tabıǵaty ásem taý bókterin tıimdi paılanyp, demalýshylardy kóptep tartý maqsatynda jalpy quny 400 mln teńge bolatyn «AISA», «Aqken» jáne «Asem Taý» demalys oryndary iske qosyldy.

Bıyl, sondaı-aq Qasqasý aýyl okrýginen quny 500 mln teńgege «SAIRAM SU resort» 100 oryndyq demalys orny men Qoǵaly aýyl okrýginde quny 100 mln teńgege saýmal-saýyqtyrý kesheni ashylatyn bolady. Al Alataý aýyl okrýginde quny 150 mln teńgege «Tańsulý» demalys aımaǵynyń qurylysy, Kemeqalǵan aýyl okrýginde quny 150 mln teńgege «Alma-Taý» demalys aımaǵynan qosymsha qurylys nysandaryn salý jumystary júredi.

Turǵyndar salynyp jatqan asfalt zaýytynyń aýdan aýmaǵyndaǵy joldardy jóndeýge septigin tıgizetininen úmitti.  Táýligine 100 tonna asfalt-beton ónimderin shyǵaratyn jalpy quny 120 mln teńgelik «Birlik» JShS zaýytynyń qurylysy «Bıznestiń jol kartasy – 2020» baǵdarlamasy aıasynda júrgizilýde. Shaǵyn kásiporynda jańa 20 jumys orny ashylady. Sondaı-aq, quny 120 mln teńgeni quraıtyn jylyna 1000 tonna broıler etin óndiretin «Shymkent qus» qus fermasy 2020 jylǵa qaraı iske qosylatyn bolady. Al búginde jumysy qarqyn alǵan «Gazpromneft-Bıtým Kazahstan» JShS-i ótken jyly 230 myń tonna bıtým shyǵaryp, onyń 148 myń tonnasyn О́zbekstan jáne Tájikstan elderine jibergen. «Astyq saýda» jáne «Aqqum astyq» JShS-i 36,3 myń tonna un ónimderin О́zbekstan men Aýǵanstan elderine, «Baǵdaýlet-1» JShS-i bastapqy 10 tonna maqsary maıyn Qytaı eline eksporttaǵan.

Aıta ketelik, aýdandaǵy 8 211 kásipkerlik sýbektileriniń 92,4 paıyzy belsendi jumys isteýde. Kásipkerlik salasyndaǵylar sany 16 072 adamǵa jetip, qosymsha 675 adam jumyspen qamtylǵan. Bıyl kásipkerlik salasynda 40,5 mlrd teńgeniń ónimin óndirip, jumys isteıtinder sanyn 16 475 adamǵa jetkizý kózdelýde.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar