Aýyl ónerpazdary Dına Jumabaıdyń «Qazirgi teatrdaǵy klassıka janry», «Qazirgi teatr rejıssýrasy», «Stanıslavskııden Meıerholdqa deıin» taqyrybyndaǵy dáristerin qyzyǵa tyńdady. Al Samat Altaevtyń «Buqaralyq is-shara uıymdastyrýdaǵy rejısserlik ınterpretasııa», «Qoǵamdyq mańyzdy resmı merekelerdi uıymdastyrý», «Ulttyq jáne dástúrli sharalar, zamanaýı sharalar», «Kópshilik mádenı tynyǵý jumystaryndaǵy rejısserlik ustanym, etıka, qoltańba», «Memlekettik resmı merekelerdi uıymdastyrýdaǵy rejısserlik kózqaras» taqyrybyndaǵy trenıng-sabaqtary eldi mekenderde kópshilik sharalardy uıymdastyrý jóninde taptyrmas kómek boldy.
– Sharaǵa barlyǵy 24 rejısser qatysty. Sheberlik saǵaty aýyl rejısserleri úshin shyn máninde damý, shyǵarmashylyq tájirıbe almasý alańy boldy. Kásibı biliktiligin ósirip, sheberligin shyńdap, zaman talabyna saı ózin-ózi damytýǵa sep dep oılaımyn. Shaqyrylǵan trenerler tyńdaýshylarǵa daıyn ssenarıı bermeı, soǵan jetý joldaryn, taqyrypty ıgerý ádisterin aıtty. О́te paıdaly kezdesý boldy, – deıdi osy sharany uıymdastyrýshy Batys Qazaqstan oblystyq halyq shyǵarmashylyǵy ortalyǵynyń kórkemdik jetekshisi, rejısser Araılym Ihsanova.
