Qurylys jumystaryna «Daıyndyq-Agro» JShS-niń dırektory Birjan Shaımerdenov 40 mıllıon teńge qarajat bóldi.
Sońǵy jyldary bul aýyl gúldenip, kórkeıip keledi. Ondaǵan úıler, balalar alańqaıy, taýarly sút fermasy turǵyzyldy. Mektep, klýb qalpyna keltirildi. Endi munda salaýatty ómir saltyn berik ustanǵan úlkendermen qatar balǵyndar da sportpen alańsyz aınalysa alady.
«Turǵyndardyń áleýmettik jaǵdaıyn, ómir sapasyn jaqsartýdy nazardan tys qaldyrmaıtyn Birjan Ábdilmanulyna alǵasymyz sheksiz. Ol Jansúgir babamyzdyń zıratynyń basyna kúmbez salýǵa da qarjylyq kómek bergen bolatyn», deıdi Daıyndyq negizgi mektebiniń dırektory Talǵat Ramazanov.
Munda voleıbol, basketbol, fýtbol, tennıs, kúres, toǵyzqumalaq, bes asyq seksııalary jumys isteıdi. Jattyǵý zaldaryna zamanaýı qurylǵylar qoıylǵan.
Saltanatty ashylýdan keıin aýdan mektepteriniń oqýshylary voleıboldan joldastyq kezdesý ótkizdi.
