Tatarstandyq kásipkerlerdi Túrkistan óńirine bastap kelgen seriktestik basshysy Mınatýlla Hasangýseınovtiń aıtýynsha, kompanııa «Magnit» jáne «X5 Retail Group» sııaqty bólshek saýda jelilerine jemister men kókónisterdi jetkizýmen aınalysady. Kompanııanyń jyldyq taýar aınalymy 1 mıllıard rýblden asady eken.
Túrkistan oblysy ákiminiń orynbasary M.Myrzalıev qonaqtarmen Ordabasy aýdanyndaǵy «Adel» jylyjaıynda iskerlik kezdesý ótkizip, eki jaqty tıimdi seriktestik ornatýǵa jáne oblys ákimdigi tarapynan tıisti sharalardy qolǵa alýǵa daıyn ekenin jetkizdi. О́ńirde ekologııalyq taza ónimderdi kóp mólsherde jetkizýge múmkindik mol. Kásipkerler úshin jumys isteıtin 24/7 call-ortalyǵy arqyly kez-kelgen másele sheshilip otyrady. О́z kezeginde «Mariana-Region» JShS basshysy M.Gasangýseınov Túrkistan oblysymen áriptestik baılanys ornatý aıtarlyqtaı oń nátıjelerge jetkizetinin atap ótti. О́ńirde halyqaralyq saýdaǵa óte qolaıly jaǵdaıdyń jasalǵanyn jetkizdi. Kompanııa ókilderi Reseı Federasııasyna kókónister tasymaldaý aıasyn keńeıtý jáne Túrkistan oblysynyń sharýalarymen iskerlik baılanys ornatqysy keletinderin bildirdi. Taraptar kókónisterdiń sapasy men ónim túrin saqtaı otyryp, kepildendirilgen kólemdi úzdiksiz jetkizýdi qamtamasyz etý maqsatynda aqparat almasyp otyrýǵa ýaǵdalasty.
Sondaı-aq tatarstandyq kásipkerler óńirdegi birqatar sharýa qojalyqtardy aralap, ondaǵy jylyjaı keshendermen tanysty. Qazirgi tańda logıstıkalyq jáne eksporttalatyn ónimderdi saqtaý sharttaryna qatysty máseleler sheshilýde. «KazakhExport» basqarýshy dırektor - Rýslan Tólegenov kásipkerlerge tıisti kómek kórsetýge daıyn ekendigin jetkizdi.
