Aımaqtar • 06 Mamyr, 2019

Orazaly Nııazbekovqa arnalǵan eskertkish taqta ornatyldy

1310 ret

kórsetildi

1 mın

oqý úshin

UQK Jambyl oblystyq departamentiniń Shý aýdandyq jáne temir jol boıyndaǵy bóliminde aıtýly shara boldy. Osy mekemede 16 jyl basshylyq qyzmet atqarǵan UOS ardageri, MQK polkovnıgi Orazaly Nııazbekovqa arnalǵan eskertkish taqta ornatyldy.

Egemen Qazaqstan

Orazaly Nııazbekovqa arnalǵan eskertkish taqta ornatyldy

Onyń ashylýyna memlekettik qaýipsizdik komıtetiniń ardagerleri, Orazaly Nııazbekovtyń kózin kórgen qyzmettes shákirtteri men uly Málikaıdar Nııazbekovpen onyń balalary, jaqyndary kelip arnaıy qatysty. Alǵashqy sózdi UQK Jambyl oblystyq departamenti bastyǵynyń orynbasary T. Qalǵaev alyp, O.Nııazbekov týraly jyly lebizin bildirdi. Shý aýdany ákimi J.Aıtaqov aıtýly sharanyń tárbıelik mánine toqtalyp, mamyr aıyndaǵy barlyq merekelermen quttyqtady. Málikaıdar aqsaqal da ákesin ardaqtaǵan áriptesteri men izbasarlaryna alǵysyn aıtyp, el qaýipsizdigine qyzmet etip júrgen saqshylarǵa batasyn berdi. Orazaly atamyzdyń nemeresi de sóz alyp, uıymdastyrýshylarǵa alǵysyn aıtty.

Jınalǵan jurtshylyq estelik sýretke túsip, atalǵan ǵımarattyń aýlasyna tal-daraqtar otyrǵyzdy.

Aıta keteıik, Orazaly Nııazbekov 1925 jyly Ońtústik Qazaqstan oblysynda dúnıege kelip, 1943 jyly maıdan dalasyna attanady. Oq pen ottyń ortasyn aman shyǵyp, 1946 jyldan bastap eńbekke aralasady. 1967-1983 jyldary aralyǵynda MQK Jambyl oblysy boıynsha basqarmasy Shý aýdandyq bólimshesiniń bastyǵy bolǵan.