Ádette, Arqa tósine kóktem kesh keledi. Saı-saladaǵy, ormandy alqaptardaǵy jer degdimeı jatyp jasyl jelekti órt shala bastaýy eldi alańdatyp otyr. Byltyr oblys ormandarynda 11 márte iri órt bolǵan eken. Al, bıyl kóktem endi týsa da, Kóksheniń jasyl jelegin 4 ret órt shaldy.
Oblystyq tótenshe jaǵdaılar qyzmeti men orman sharýashylyǵy aýmaqtyq ınspeksııasynyń bergen derekterine kóz salsańyz, órttiń aldyn alýǵa, qorǵaýǵa degen daıyndyq muzdaı qatyp tur. 10 baldyq kórsetkishtiń 7,9 paıyzyn qamtıdy. Soǵan qaramastan, qyzyl jalynnyń óńeshine ilikken jasyl orman kúıik shalyp, baýdaı túsip jatyr. Ol azdaı zańsyz aǵash kesýshiler de tyıylar emes. О́tken jyly zańsyz aǵash kesý boıynsha 22 oqıǵa tirkelse, bıyl osyndaı keleńsiz jaǵdaı eki ret qaıtalanǵan. Munyń bir sebebi, qala turǵyndary satyp alatyn otynnyń qymbattaýynda. Iаǵnı, orman qaraqshylary suranys bolǵannan keıin aǵash urlap satýdy kádimgideı kásipke aınaldyryp otyrǵanyn nesine jasyramyz. Qalaǵa keletin santaraý dala joly bar. Onyń bárinde qapysyz kúzet uıymdastyrýǵa ormanshylardyń qaýqary jete bermeıdi. Kóligi tapshy, kisisi kem.
Qala irgesindegi «Buqpa» orman sharýashylyǵy aýmaǵynda ótken jyly bes márte orman órtense, bıyl qyzyl jalynnyń alapat tili sýmańdap, eki márte qoldyń salasyndaı aq qaıyńdar men máńgi jasyl qaraǵaılardy, áli búrshigin jara qoımaǵan tal-terekti jaıpap ketti. Tabıǵaty tamyljyǵan Sandyqtaý ólkesinde de órt pen urydan kelgen zalal kóp. Qazir bul óńirde osyndaı oqıǵalarǵa baılanysty tergeý jumystary júrgizilýde. Qalaı bolǵan kúnde de Otanymyzdyń bir baılyǵy – ormanymyzǵa abaı bolaıyqshy!
Elimizde 12 ońaltý ortalyǵy salynady
Úkimet • Búgin, 13:02
Bıbisara Asaýbaeva Úndistanda tórtinshi ret jeńiske jetti
Shahmat • Búgin, 12:14
Koronavırýsqa shaldyqqan 2 adamnyń jaǵdaıy aýyr
Koronavırýs • Búgin, 11:54
Shveısarııada eki poıyzdyń vagondary relsten shyǵyp ketken
Álem • Búgin, 11:40
Donald Trampqa qarsy qylmystyq is qozǵaldy
Álem • Búgin, 11:10
Almatyda aýa sapasy nasharlaıdy
Aýa raıy • Búgin, 10:41
Uqsas jańalyqtar
