Eki qolǵa bir kúrek tappaı otyrǵan aýyl jastary belsendi berekeli jumyspen aınalysýǵa múmkindik ábden bar. Bul jaıynda óńirlik kásipkerler palatasynyń jergilikti jerde shaǵyn jáne orta bıznesti damytý máselelerine arnalǵan qoǵamdyq tyńdaý barysynda jan-jaqty aıtyldy.
El eńsesin kóterýge baǵyttalyp otyrǵan ıgi qadamnyń qyr-syry jan-jaqty talqylanǵan sharaǵa «Bastaý» baǵdarlamasy arqyly oqyǵan azamattar men qarjy ınstıtýttarynyń ókilderi qatysty. Sóz arasynda 2017-2021 jyldarǵa arnalǵan «Nátıjeli jumyspen qamtý jáne jappaı kásipkerlikti damytý» memlekettik baǵdarlamasy júıeli jumys istep jatqandyǵyn aıta ketkenimiz artyq bolmas. Bul baǵdarlama yntasy bar azamattarǵa kásipkerliktiń qyr-syryn úıretip, halyqty jumyspen qamtýǵa septigin tıgizýde. Múmkindik az emes. Máselen, aýyldaǵy bıznesti damytýǵa arnalǵan sýbsıdııalar men jyldyq ústemesi 5-7 prosenttik jeńildetilgen nesıeler berilýde.
– Baǵdarlama aıasynda ár jyl saıyn eki myńǵa jýyq jumyssyz jáne ózin-ózi jumyspen qamtyǵan adamdarmen jumys júrgizýdemiz, – deıdi oblystyq kásipkerler palatasynyń dırektory Tımýr Naqypbekov,–árıne, adamdardyń bári birdeı emes, kásippen aınalysýǵa ıkemdileri de, yńǵaıy joqtary da bar. Bir baıqaǵanymyz, umtylǵandardyń keıbireýi kásipker bola almasa da, jaqsy maman bolýy ábden múmkin.
О́tken jyly kásipkerler palatasynyń «Bastaý» baǵdarlamasy aıasynda 2070 adam bıznes negizderin oqysa, olardyń myń jarymy arnaıy bıznes jobalaryn qorǵap shyqqan. 579 adam qazirgi kúni ózderiniń jeke kásibin dóńgeletip otyr. Demek, osynshama adamnyń ómirden óz ornyn tabýǵa septigi tıgen.
Bıylǵy jyly bul baǵdarlamany júzege asyrýǵa respýblıkalyq bıýdjetten 3 mıllıard 630 mıllıon teńge qarjy qarastyrylyp otyr. Bul qarjy nesıelik operatorlarǵa úlestirildi, 6 prosenttik ústememen bes jylǵa beriledi. Shyn máninde aýyl úshin kóp-kórim kómek emes pe? Qarajat kásipkerlikti damytýǵa, aýyl sharýashylyǵyna qajetti tehnıkalar satyp alýǵa jumsalady. Qazirgi kúni jaqsylyq habardan qulaqtanǵan aýyl adamdary tyrmysyp-aq jatyr.
– О́tken jyly 957 adam shaǵyn nesıe alyp jumys isteýde,–deıdi oblystyq aýyl sharýashylyǵy basqarmasynyń bólim basshysy Serik Shaıgózov,–onyń ústine bir myńnan astam jańa jumys oryndary ashylyp otyr. Baǵdarlamany tıimdi paıdalansaq, shaǵyn aýyldardyń shyraıy kirip qalar edi.
Ústimizdegi jyly Jastar jylyna oraı 18 ben 29 jas aralyǵyndaǵy jastar úshin «Jas kásipker» atty jańa joba qolǵa alynýda. Bul rette yntaly jastarǵa bıznes negizderi boıynsha oqý baǵdarlamalary usynylady. Keıin jobaǵa qatysýshylarǵa jeke kásibin ashyp júrgizý úshin bıznes trenerler jol siltep, jetekshilik etetin bolady. Aldaǵy ýaqytta 1270 adamdy oqytý mejelenip otyr.
Atalmysh shara barysynda qatysýshylar memlekettik qoldaý tetigin egjeı-tegjeıli áńgimelep, túsinip túısindi. Shalǵaıdaǵy shaǵyn aýyldarda kómek-qoldaýǵa zárý bolyp otyrǵan jas tolqyn osyndaı jańalyqtardy estise, estip qana qoımaı, ózderi de yntalanyp alǵa umtylsa, aýyl ajary búgingiden de kórkeıe túser edi.
Aqmola oblysy
Prezıdenttiń qarapaıymdylyǵy qatty unady – Shavkat Rahmonov
Sport • Búgin, 23:06
Álıhan Smaıylov qazaq elin Naýryz meıramymen quttyqtady
Úkimet • Búgin, 11:00
Búgin elimizdiń basym bóliginde kún ashyq bolady
Aýa raıy • Búgin, 10:40
Qazaqstan • Búgin, 10:18
Memleket basshysy Qazaqstan halqyn Naýryz meıramymen quttyqtady
Prezıdent • Búgin, 10:00
Uqsas jańalyqtar
