Qoǵam • 27 Mamyr, 2019

Shymkent: 7241 oqýshy jazǵy lagerlerde demalady

746 ret kórsetildi

Úshinshi megapolıste jasóspirimderdiń jazǵy demalys maýsymy bastaldy. Osyǵan oraı bıyl shymkenttik 7241 oqýshy qala syrtyndaǵy lagerlerde demalady. Ol úshin qazynadan 220 mıllıon teńge qaraldy. Bul týraly Shymkent qalalyq bilim basqarmasy basshysynyń mindetin atqarýshy Aıgúl Tekebaeva aıtyp ótti.

«Memlekettik bilim berý mekemelerindegi bilim alýshylar men tárbıelenýshilerdiń jekelegen sanattaryna qala syrtyndaǵy jáne mektep janyndaǵy lagerlerde demalýy úshin qujattar qabyldaý jáne joldama berý» memlekettik kórsetiletin qyzmet standartyna sáıkes, tıisti qujattardy endi HQKO-na tapsyrady, sosyn baryp lagerlerge joldama beriledi»,  deıdi A.Tekebaeva.

Balalardyń jazǵy demalysyn ońtaıly uıymdastyrý úshin Shymkent qalalyq bilim basqarmasy óńirimizdegi taýly ólkede ornalasqan  «Arman», «Aqsý», «Úshbulaq», «Erke Mashat» lagerlerimen arnaıy kelisim-shart jasasqan. Sanaýly kúnderden soń balalar saýyqtyrý oryndaryna jolǵa shyqpaq. Tıisti tegin joldamalar jetim jáne áleýmettik jaǵdaıy tómen otbasylarynan shyqqan, sondaı-aq, tótenshe jaǵdaılardyń saldarynan shuǵyl járdemdi talap etetin otbasylardyń balalaryna beriledi.

Bıyl joldama berý nemese qujat rásimdeýde sybaılas jemqorlyqtyń aldyn alý úshin salalyq basqarma tarapynan jańa júıe qoldanysqa engen.

Bul úshin ata-analar arnaıy nysan boıynsha ótinish, jeke kýálik kóshirmesi, balanyń týý týraly kýáliginiń kóshirmesi, medısınalyq anyqtama, mártebesin dáleldeıtin qujattyń kóshirmesin ótkizse jetkilikti.
Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar