Kelissózderge Latvııa tarapynan Sharýalar odaǵy jáne «jasyldar» partııalary fraksııasynyń tóraǵasy, top basshysy Ýldıs Aýgýlıs, top músheleri Borıs Sılevıch, Regına Lochmele-Lýneva jáne Evııa Papýle qatysty.
Taraptar ekijaqty qatynastardyń ózekti máseleleri men keleshegin, parlamentaralyq yntymaqtastyq pen mádenı-gýmanıtarlyq baılanystardy tereńdetý máselelerin talqylady.
T.Musabaev latvııalyq tarapqa Qazaqstandy saıası ózgerister, elimizdiń Tuńǵysh Prezıdenti – N.Nazarbaevtyń Qazaqstannyń táýelsizdigin qalyptastyrýdaǵy róli, sondaı-aq aldaǵy prezıdent saılaýy týraly jan-jaqty aıtyp berdi.
Senator sapar barysynda Lenın komsomoly atyndaǵy Rıga Qyzyl týly azamattyq avıasııa ınjenerleri ınstıtýtynyń 100 jyldyq mereıtoıyna arnalǵan Kólik jáne baılanys ınstıtýtynda ótken «Next Generation of Aviation Professionals» halyqaralyq avıasııa forýmynda sóz sóıledi.
Forým aıasynda osy ınstıtýttyń tanymal túlekteriniń biri – ǵaryshker Talǵat Musabaev atyndaǵy dárishananyń saltanatty ashylý rásimi boldy.
