Aımaqtar • 27 Mamyr, 2019

Shymkentte tuńǵysh ret «Shymkent astc triathlon» Azııa kýbogy ótti

Shymkentke Qazaqstan, О́zbekstan, Serbııa, Slovenııa, Avstralııa, Japonııa, Gonkong, Lıýksembýrg, Sırııa, Fransııa, AQSh pen Ońtústik Koreıadan kelgen 55 sportshynyń qatysýymen trıatlonan Shymkent astc triathlon Azııa kýbogy ótti.

Nurshat TО́KEN

Álem elderi sportshylarynyń basy qosylǵan jarystyń ashylý saltanatyna qala ákimi Ǵabıdolla Ábdirahymov qatysyp, sportshylarǵa sáttilik tiledi.

«Eń aldymen Qazaqstan trıatlon federasııasynyń prezıdenti Kárim Másimovtyń quttyqtaýyn jetkizýge ruqsat etińizder. Shyraıly shaharymyzǵa qosh keldińizder. Sportshylarymyz jaqsy nátıjege qol jetkizedi dep senim bildiremin. Naǵyz myqty jeńiske jetsin», - dedi Ǵabıdolla Rahmatollauly.

Azııa Kýbogyn quramynda 35 el bar Azııa Trıatlon Konfederasııasy uıymdastyryp otyr. Trıatlon sporty men salaýatty ómir saltyn damytý maqsatynda ótetin Azııa Kýbogyn Ulttyq olımpıadalyq komıtet, «Samruq-Qazyna» ulttyq ál-aýqat qory» AQ, Shymkent qalasynyń trıatlon federasııasy, Qazaqstan Trıatlon Federasııasy uıymdastyryp, Shymkent qalasynyń ákimdigi jáne «Shymkent» ÁKK AQ qoldaý kórsetti.

Osylaısha jarty kúnge sozylǵan aýqymdy sporttyq saıys óz máresine jetti. 34 er men 11 áıel ózara kil myqtyny anyqtaǵan Azııa kýboginde sportshylar 2 saǵatqa jýyq ýaqytta 1500 metr qashyqtyqty júzip ótip, 40 shaqyrymdy velosıpedpen artqa tastady, munymen qosa 10 shaqyrym joldy júgirip ótti.

Atalǵan synda erlerden alǵashqy bolyp márege serbııalyq Ognjen Stoıanovıch jetip chempıon atandy. Ekinshi oryn otandasymyz Aıan Beısenbaevtyń enshisinde. Al avstrııalyq sportshy Lýkas Gstaltner baıraqty dodada úshinshi orynǵa ıe boldy.

Qyzdar da bul synda keremet oıyn kórsetti. Márege rýmynııalyq Manak Antonella jetip, jeńis tuǵyrynan kórindi. Al ekinshi oryn Ońtústik Koreıalyq sportshy Iýn Djen Chanǵa buıyrdy. Úshinshi bolyp márege syzyǵyn basqan Halyqaralyq trıatlon odaǵynyń sportshysy Arına Shýlgına boldy.

Sondaı-aq, 26 mamyr kúni áýesqoılar arasynda trıatlonnan Temiradam el chempıonaty da ótpek. Onda 77 atlet pen 2 komanda baq synasty.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz