Konkýrs jarııalanǵan 10 mektep dırektory laýazymyna jalpy sany 38 úmitker qujat tapsyrǵan bolatyn. Konkýrstyń alǵashqy eki kezeńinen ótken 19 úmitker áńgimelesýge jiberildi.
«Mektep dırektorlaryn taǵaıyndaý boıynsha arnaıy komıssııanyń alǵashqy otyrysy ótti. Mektep dırektorlary memlekettik mańyzy joǵary mindetterdi atqaratyndyqtan osyndaı arnaıy komıssııa quryp, onyń quramyna jetekshi salalyq mamandar men qoǵam belsendilerin qostyq. Komıssııanyń otyrysynda qalanyń 9 mektebine 19 úmitker qarastyryldy. Ár úmitkermen jeke áńgimelesý boldy. Nátıjesinde, № 5, 1, 16, 76, 77 jáne 96 bilim uıalarynyń dırektorlary taǵaıyndaldy. Qalǵan 4 mektep boıynsha úmitkerlerdiń sáıkes kelmeýine baılanysty jańa konkýrs uıymdastyrylatyn bolady. Budan bylaı, tanys-tamyr arqyly mektep dırektory bolyp birde-bir adam taǵaıyndala almaıdy. Sondyqtan, kez-kelgen adam ashyq ári ádil ótetin konkýrsqa qatysa alady», dedi Ǵabıdolla Ábdirahymov.
Áńgimelesýge kelgen úmitkerlerdiń ishinen I.Asanov - №1 keshki mektepke, M.Dúısenbekova - №16 mektepke, T.Ábdihalyq - R.Myrzashev atyndaǵy №76 mektepke, A.Aıýbaeva - A.Asqarov atyndaǵy №77 mektepke, A.Qarabaeva - M.Áýezov atyndaǵy №96 mektep dırektorlyǵy laýazymyna laıyq dep tanyldy. Al, qalǵan №№11, 24, 26, 131 mektepterge qaıta konkýrs jarııalanatyn bolady.
