Kanadanyń Alberta qalasynyń týmasy 2013-2017 jyldar aralyǵynda Amerıka hokkeı lıgasynyń (AHL) birneshe klýbtarynda oınady. 2017 jyly «Barystyń» jeıdesin kıdi. Kóp uzamaı Qazaqstannyń azamattyǵyn alyp, bizdiń eldiń ulttyq quramasy sapynda óner kórsete bastady.
Jankeshti oıyny jáne asqan sheberligimen kózge túsken Darren jergilikti jankúıerlerge birden unady. Negizgi mindeti qorǵaýshy bolǵanyna qaramastan ol qarsylastar qaqpasyna jıi gol soqty. О́tken maýsymnyń qorytyndysy boıynsha Darren QHL-dyń sımvolıkalyq quramasyna enip qana qoımaı, chempıonattyń eń úzdik qorǵaýshy ataǵyn ıelendi. Jýyrda ǵana kanadalyq legıoner «Baryspen» kelsimshartyn jańartty.
QHL-dyń sımvolıkalyq quramasyna Darren Dısten bólek, qaqpashy Iýha Metsola («Salavat Iýlaev»), qorǵaýshy Nıkıta Nesterov (SSKA), shabýylshylar Teemý Hartıkaınen («Salavat Iýlaev»), Mıhaıl Grıgorenko (SSKA) jáne Ilıa Mıheev («Avangard») enip otyr.
