Foto: kazgazeta.kz
Sońǵy ýaqytta jekelegen tulǵalar tarapynan ulttyq dástúrler men ádet-ǵuryptarǵa qatysty teris pikirlerdiń jarııa túrde taralýy tirkelgen. Atap aıtqanda, kópǵasyrlyq tarıhy bar Naýryz meıramyna qatysty burmalanǵan jáne negizsiz tujyrymdar aıtylǵan. Mundaı málimdemeler jalǵan dinı dogmalarmen baılanystyrylyp, qoǵamda jańsaq túsinik qalyptastyrýǵa baǵyttalǵan.
Bas prokýratýra bul áreketterdiń Konstıtýsııada bekitilgen zaıyrly memleket qaǵıdalaryna qaıshy ekenin atap ótti. Sonymen qatar, mundaı aqparattar ultaralyq jáne dinaralyq tatýlyqqa nuqsan keltirip, qoǵamdyq kelisimge qaýip tóndirýi múmkin.
Qadaǵalaýshy organ jýrnalıster, blogerler jáne aqparattyq resýrstar ıeleriniń jaýapkershiligin erekshe atap ótti. Jalǵan nemese arandatýshylyq sıpattaǵy pikirlerdi taratýǵa jol bergen jaǵdaıda:1414-ten habarlama: Bas prokýratýra alaıaqtarǵa aldanyp qalmaý jolyn aıtty
- mundaı kontenttiń taralýyna yqpal etedi;
- qoǵam sanasyna teris áser etedi;
- genderlik teńsizdikke jol berip, áıelderdiń ar-namysyna nuqsan keltirýi múmkin.
Osyǵan baılanysty mass-medıa ókilderine kásibı etıka men obektıvtilikti saqtaý, sondaı-aq qoǵamdyq kelisimdi buzýy múmkin materıaldardy taratpaý mindeti júkteledi.
Bas prokýratýra zań talaptaryn eske salyp, kórineý jalǵan aqparat taratýǵa qatysty jaýapkershiliktiń kúsheıtilgenin jetkizdi. Atap aıtqanda:
- Qylmystyq kodekstiń 274-baby boıynsha kórineý jalǵan aqparat taratý jaýapkershilikke ákep soǵady;
- ulttyq, dinı nemese áleýmettik alaýyzdyqty qozdyrýǵa baǵyttalǵan áreketter 174-bapqa sáıkes aýyr qylmys retinde qaralady;
- dinı qyzmet salasyndaǵy zańnamany buzý Ákimshilik quqyq buzýshylyq týraly kodekstiń 490-baby boıynsha jaýapkershilikke tartylady.
Bas prokýratýra Shymkentte kóz jumǵan sarbaz týraly pikir bildirdi
Bas prokýratýra azamattardy jalǵan aqparat taratpaýǵa, qoǵamda alaýyzdyq týǵyzýy múmkin málimdemelerden aýlaq bolýǵa jáne Qazaqstan halqynyń mádenı-rýhanı qundylyqtaryna qurmetpen qaraýǵa shaqyrdy.
Vedomstvo atap ótkendeı, mundaı quqyq buzýshylyqtar anyqtalǵan jaǵdaıda quqyq qorǵaý organdary zańnamaǵa sáıkes qatań sharalar qabyldaıdy.
Bas prokýratýra: Kýrerlik qyzmet atynan keletin jalǵan habarlamalar kóbeıdi
