Qoǵam • 31 Mamyr, 2019

Jylyna álemde 300 myńdaı jetkinshekke qaterli isik dıagnozy qoıylady

714 ret kórsetildi

Almatyda jýrnalıstermen arnaıy kezdesken túrik mamandary balalardyń qaterli isik túrlerine shaldyǵýyn tómendetý úshin bala boıyndaǵy kez kelgen ózgeristerdi muqııat baqylap, barlyq qajetti tekserýlerden turaqty ótip turý kerek dep esepteıdi.

Dúnıejúzilik densaýlyq saqtaý uıymynyń (DDSU) aqparaty boıynsha, onkologııalyq dertter –  búkil álem boıynsha balalar men jasóspirimder arasyndaǵy ólimniń negizgi sebepteriniń biri.

Jyl saıyn álemde týylǵannan 19 jasqa deıingi balalar arasynda, shamamen, 300 000 jetkinshekke qaterli isik dıagnozy qoıylady. Balalar arasyndaǵy onkodertterdiń eń keńinen taraǵan túrleri leıkemııa, bas mıynyń qaterli isigi, lımfoma, neıroblastoma jáne nefroblastoma bolyp tabylady. DDSU mamandary, eger dert bastapqy kezeńde anyqtalsa, olardyń kóptegen túrlerin emdeýge bolatyndyǵyn aıtady.

Búldirshinde qaterli isiktiń damyp jatqanyn kórsetetin bir qatar belgiler bar. Degenmen dertterdiń kópshiligi kózge kórinbeı damıdy ári basqa syrqattarǵa uqsaıdy, sondyqtan ata-analardyń kópshiligi olardyń qaterli isik ekenin bile bermeıdi. Sonyń saldarynan, syrqat tez kúsh alyp, kóp rette, em qıyn qonatyn kesh kezeńde anyqtalyp jatady. Anadolu (Túrkııa) emhanasy, balalar onkologııasy bólimshesiniń meńgerýshisi, professor Alp Ozkan der kezinde dárigerlerdiń kómegine júginip,  ýaqtyly em alý úshin, ata-analar bul belgilerdi bilý kerek dep esepteıdi.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar