Medısına • 01 Maýsym, 2019

Onkologııalyq jáne gematologııalyq kómekti jetildirý jónindegi keńes ótti

760 ret kórsetildi

Almatydaǵy Pedıatrııa jáne balalar hırýrgııasy ǵylymı ortalyǵy pedıatrııanyń kóptegen salalaryna jetekshilik etip, úılestirý qyzmetin atqarady. Búgin Pedıatrııa ortalyǵynda «Qazaqstan Respýblıkasynda 2019-2021 jyldarǵa arnalǵan balalarǵa onkologııalyq jáne gematologııalyq kómekti jetildirý jónindegi Jol kartasyn» iske asyrý aıasynda óńirlik balalar onkologtar jáne gematolog mamandardyń qatysýymen jumys keńesi ótti.

Basqosýǵa respýblıkanyń barlyq oblystarynyń onko-gematolag dárigerleri qatysty.

Keńeste qaterli isikke shaldyqqan balalardy dári-dármektermen qamtý máselesi, gemofılııamen aýyratyn naýqastardyń qannyń uıyǵyshtyq faktorlarymen qamtamasyz etilýi, súıek kemigin transplantasııalaýdan keıingi terapııany júrgizýde preparattarmen qamtamasyz etý jaıy qaraldy. Sonymen qatar óńirlerdiń medısınalyq uıymdaryndaǵy onkologtar/gematologtar kabınetteriniń jumysyn monıtorıngileý nátıjeleri, atap aıtqanda remıssııadaǵy naýqastardy jáne gemofılııaǵa shaldyqqan naýqastardy esepke alý, dınamıkalyq qaraýdy baqylaý, demeýshi terapııanyń júrgizilýin qadaǵalaý  máseleleri qaraldy.

Pedıatrııa ortalyǵy jyl saıyn aımaqtarǵa onkologııalyq jáne gematologııalyq aýrýlardy erte dıagnostıkalaý boıynsha alǵashqy medısınalyq-sanıtarlyq kómek dárigerlerine arnalǵan oqytý kýrstaryn júrgizip keledi. Bul jumystardyń nátıjesinde I-II satydaǵy qaterli isikter erte anyqtalýda. Qaterli isikpen naýqastanǵan balanyń tolyq saýyǵýy aýrýdyń erte satysynda anyqtalýyna, medısınalyq kómektiń ýaqytyly kórsetilýine baılanysty bolǵandyqtan oblystardaǵy dárigerlerdiń biliktiligin arttyrý ortalyqtyń basty maqsaty bolyp otyr.

«Pedıatrııa jáne balalar hırýrgııasy ǵylymı ortalyǵy elimizdegi 2019-2021 jyldarǵa arnalǵan balalarǵa onkologııalyq jáne gematologııalyq kómekti jetildirý jónindegi Jol kartasynyń úılestirýshi bolyp tabylady. Sondyqtan ortalyq udaıy onkologııalyq jáne gematologııalyq aýrýlardy erte anyqtaý boıynsha  oblystyq mamandarǵa oqytý dáristerin ótkizip otyrady. Jyl saıyn 300 dárigerlerdi oqytsaq, qazirgi ýaqytta jylyna 3 myńǵa jýyq dárigerlerdiń biliktiligin arttyrý mindetin aldymyzǵa qoıyp otyrmyz. Basty maqsatymyz – elimizdegi onkologııalyq jáne gematologııalyq kómekti jetildirý. Qaterli isikti alǵashqy satylarynda anyqtaý jáne erte em tásilderin qoldaný tolyq aıyǵýdyń negizgi joly», deıdi Basqarma tóraıymynyń ǵylymı-klınıkalyq jáne ınnovasııalyq jumystary jónindegi orynbasary Lıazat Manjýova.

Shara barysynda Máskeý qalasy Densaýlyq saqtaý basqarmasynyń Morozov Qalalyq klınıkalyq balalar aýrýhanasynyń dáriger-gematology V.Petrovtyń qatysýymen balalardaǵy gemofılııany zamanaýı dıagnostıkalaý jáne emdeý máselesi boıynsha oqytý dárisi ótti.

Sońǵy jańalyqtar

Pavlodarda jer astynan sý atqylady

Aımaqtar • Búgin, 14:25

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

Uqsas jańalyqtar