Qazaqstan halqy Assambleıasy XX sessııasyna qatysýshylardyń el azamattaryna úndeýi
Juma, 26 sáýir 2013 2:45
Qurmetti otandastar!
Prezıdenttiń Qazaqstan halqyna arnaǵan «Qazaqstan-2050» Strategııasy – qalyptasqan memlekettiń jańa saıası baǵyty» Joldaýy táýelsiz Qazaqstannyń XXI ǵasyrdaǵy tarıhı jolyn aıqyndaǵan oqıǵa boldy.
Bizdiń basty jetistigimiz – biz táýelsiz Qazaqstan qurdyq!
Juma, 26 sáýir 2013 2:45
Qurmetti otandastar!
Prezıdenttiń Qazaqstan halqyna arnaǵan «Qazaqstan-2050» Strategııasy – qalyptasqan memlekettiń jańa saıası baǵyty» Joldaýy táýelsiz Qazaqstannyń XXI ǵasyrdaǵy tarıhı jolyn aıqyndaǵan oqıǵa boldy.
Bizdiń basty jetistigimiz – biz táýelsiz Qazaqstan qurdyq!
Jańa Joldaýda Qazaqstan halqynyń basty maqsaty belgilengen, ol – kúshti memleket negizinde damyǵan ekonomıkasy men jalpyǵa ortaq eńbek múmkindigi bar ıgilikti qoǵam qurý.
Qazaqstandyq patrıotızm – Joldaýdaǵy mindetter men maqsattardy oryndaýdyń negizgi sharty – jańa mazmunmen tolyǵyp, memleket pen azamattardyń ózara senimi negizinde maqsattaryn biriktire otyryp jańa sapaǵa ıe bolýda.
Qazaqstan halqymen dáıekti de progressıvti damý úshin ekonomıkalyq, saıası jáne áleýmettik negizder qalyptastyrylyp otyr. Bazalyq shart ulttyń rýhanı baılyǵy men qýatty jasampazdyq áleýeti bolyp qalýda. Bizdiń memlekettiligimizdiń, bizdiń táýelsizdigimizdiń negizine toleranttylyq, birlik, áleýmettik ádilettilik qundylyqtary jatqyzylǵan.
Qazaqstan – bul beıbitshiliktiń, izgilik pen kelisimniń mekeni. Biz – álemdik qoǵamdastyqtyń bólshegimiz, ashyq halyqpyz, birtutas ultpyz.
Assambleıanyń basty maqsaty – qoǵamdyq kelisimniń, memlekettik tolysqandyqtyń, jaýapkershilik pen ulttyq patrıotızmniń dińgegi bolý.
Biz – birtutas halyqpyz, biz bir elde turamyz jáne bizdiń taǵdyrlarymyz da ortaq! Bul bizdi daǵdarystar men ózgerister dáýirinde kúshti etedi, bul bizdi tarıh daýyldarynan qorǵap, jahandyq álemniń keń jolyna shyǵarady.
Biz Qazaqstan halqyn janymyz ben júregimizdiń jylýyn saqtap, toltyrýǵa, adamsúıgish jáne ashyqtyq dástúrlerin jalǵastyrýǵa shaqyramyz.
Bizdiń jalpy maqsattarymyz ben qundylyqtarymyz, ár azamattyń óz eliniń ósip-órkendeýine úles qosýy – bul ómirdi mazmunmen, memleket pen adamdy istermen toltyra alatyn nárseler.
XX sessııa – bul tek mereıtoı ǵana emes, bul – turaqtylyq jolyndaǵy naqty ister qorytyndysy, bul – álemdik qoǵamdastyq tanyǵan beıbitshilik pen kelisimniń tájirıbesi!
Qazaqstan halqy Assambleıasy mynaǵan nyq senimdi: Elbasynyń, Qazaqstannyń Tuńǵysh Prezıdenti Nursultan Ábishuly Nazarbaevtyń nusqaǵan jolymen júre otyryp, biz alǵa qoıǵan maqsattarymyzǵa jetemiz jáne ıgilikti, gúldengen Qazaqstan quramyz!
Astana, 2013 jylǵy 24 sáýir.
