Tilge degen yqylasqa rıza boldym
Seısenbi, 30 sáýir 2013 2:21
Men búgingi sessııanyń uranyndaǵy «bir halyq – bir el – bir taǵdyr» degenge «bir – til» degendi de qosar edim. Men bizdiń qazaq tili qazaqtardyń ǵana emes, barlyq qazaqstandyqtardyń ortaq qatynas tiline aınalǵanyn qalaımyn. Búgin, mine, Qazaqstan halqy Assambleıasynyń HH sessııasynda qazaq tiliniń damýyna, qoldanylýyna baılanysty týysqan ulttar ókilderiniń aýzynan qanshama jyly lebizder estip, bir marqaıyp qaldym.
Seısenbi, 30 sáýir 2013 2:21
Men búgingi sessııanyń uranyndaǵy «bir halyq – bir el – bir taǵdyr» degenge «bir – til» degendi de qosar edim. Men bizdiń qazaq tili qazaqtardyń ǵana emes, barlyq qazaqstandyqtardyń ortaq qatynas tiline aınalǵanyn qalaımyn. Búgin, mine, Qazaqstan halqy Assambleıasynyń HH sessııasynda qazaq tiliniń damýyna, qoldanylýyna baılanysty týysqan ulttar ókilderiniń aýzynan qanshama jyly lebizder estip, bir marqaıyp qaldym. Búgin, Elbasy aıtqan qazaq tili barsha qazaqstandyqtardy jaqyndastyratyn faktorǵa aınalýy tıis degen talabyna jaqyndap kele jatqanymyzǵa kýá bolǵandaı bolyp turmyn. Qanshama etnos ókilderi ózderiniń sózderin qazaq tilinde bastap, tipti taza sóıleýge yqylasty ekendikterin kórsetip jatty. Osyǵan qarap, joǵarydaǵy uranǵa «bir – til» degendi de qosatyn kezdiń kelgenin, qoǵamnyń soǵan pisip-jetilgenin kórip turǵandaımyn.
Onyń ústine Qazaqstannyń ekonomıkasy kóterildi. Qazir aty barlyq álemge tanyldy. Elimizdegi barlyq ult ókilderiniń jaǵdaıy jaqsy, qazaqtan artyq bolmasa kem emes. Budan artyq ne jaǵdaı kerek? Endi bizdiń baıaǵydan beri aıtyp kele jatqan: Memlekettik til barlyq qazaqstandyqtardyń negizgi tili bolmaı, eldiń ósýi qıyn degenimiz oryndalatyn ýaqytqa jettik qoı dep oılaımyn.
О́mirzaq AITBAEV,
akademık.
