Halyqtyq Assambleıa
Seısenbi, 30 sáýir 2013 2:23
Meniń «Qazaq tili» qoǵamynda júrgenime 23 jyl, QHA-da júrgenime 18 jyl boldy. Assambleıaǵa elimizdiń shyǵys óńirinen keldim. Búginde tynyshtyqty kúzetken Qazaq eli óziniń teńdigin de, keńdigin de, tirligin de, birligin de osy 20 jyldyń ishinde kórsetip keledi. QHA Prezıdenttiń konstıtýsııalyq keńesshisi bolyp sanalady. Ol jaı ǵana keńesshi emes, rýhanı keńesshi. Bizdiń endigi maqsatymyz – ulttyń múddesin ǵana qozǵamaýymyz kerek. Halyqtyń múddesin, memlekettiń múddesin kózdeıtin kezeńge jetken sekildimiz.
Seısenbi, 30 sáýir 2013 2:23
Meniń «Qazaq tili» qoǵamynda júrgenime 23 jyl, QHA-da júrgenime 18 jyl boldy. Assambleıaǵa elimizdiń shyǵys óńirinen keldim. Búginde tynyshtyqty kúzetken Qazaq eli óziniń teńdigin de, keńdigin de, tirligin de, birligin de osy 20 jyldyń ishinde kórsetip keledi. QHA Prezıdenttiń konstıtýsııalyq keńesshisi bolyp sanalady. Ol jaı ǵana keńesshi emes, rýhanı keńesshi. Bizdiń endigi maqsatymyz – ulttyń múddesin ǵana qozǵamaýymyz kerek. Halyqtyń múddesin, memlekettiń múddesin kózdeıtin kezeńge jetken sekildimiz.
Bizdiń Qazaqstan aıaǵynan tik turdy. Álem sahnasynda óz ornyn belgiledi. Sondyqtan, tek ózimizdiń tirligimizdi jasamaı, eldigimizdi jasaıtyn, keńdigimizdi jasaıtyn kezeń keldi. Demek, elimizdi mekendeıtin árbir etnos ókilderi Qazaqstannyń ekonomıkasynyń damýyna, eldiń órkendeýine, múddesin qorǵaýǵa atsalysýy kerek. Tek óz ultynyń ókilderin ǵana oılamaı, aldymen eldiń jaıyn nazarda ustaýy kerek. Eger, Qazaqstan halqy Assambleıasy kóp etnos ókilderin qorǵaıtyn kepilge aınalsa, sol ult ókilderi memleketti qorǵaıtyn kepilge aınalýy kerek.
Búginde Qazaqstan halqy Assambleıasyna halyqtyq Assambleıa degen baǵa berilýde. Ol halyqtyq bolýǵa tıisti. Sebebi, halyq, el, memleket – bir. Biz Til komıtetimen birge shyǵys óńirinde «Bir el, bir Otan, bir Qazaqstan» degen aksııa ótkizgen bolatynbyz. Bul aksııa ózge ult ókilderiniń ishinde qazaq tilin biletin jastar arasynda ótkizildi. Sondaı jastardy «Qazaq tili» qoǵamyna múshelikke qabyldap, qazir olar qazaqqa da, orysqa da memlekettik tildi nasıhattaýda nátıjeli jumystar júrgizýde. Byltyrǵy jyly ótken sessııada Mıhaıl Glazılın degen bala qazaqtyń qyryq kúıin shertken. Ondaı kúılerdi qazaqtyń ózi sherte almaıdy. Mine, bizdiń elimizde qazaqtyń ózine úlgi bolyp otyrǵan osyndaı etnos ókilderi bar.
Assambleıanyń 20-sessııasy «Qazaqstan-2050» Strategııasy: bir halyq –bir el – bir taǵdyr» degen taqyrypta ótkizildi. Bul neni kórsetedi? Bul degenimiz bizdiń taǵdyrymyz, Otanymyz bir degendi bildiredi. Demek, endigi kezekte bizdiń aldymyzda turǵan basty maqsat – Qazaqstannyń ekonomıkasy men rýhanı salasyn damytyp, beıbitshilik pen kelisimdi saqtaı otyryp, Elbasynyń strategııalyq baǵytyn ilgeriletý.
Oral ShÁRIPBAEV,
Halyqaralyq «Qazaq tili» qoǵamynyń
(shyǵys jáne soltústik óńiri boıynsha)
vıse-prezıdenti, Qazaqstan halqy
Assambleıasynyń múshesi.
