Semınarǵa elimizdiń ár aımaǵynan 95 dáriger: oblystardyń shtattan tys bas neonatologtary, bas dárigerlerdiń neonataldyq qyzmet jónindegi orynbasarlary, oblystyq jáne qalalyq perınataldyq ortalyqtardyń, balalar aýrýhanalarynyń náresteler reanımasııasy, patologııasy jáne shala týǵan balalardy kútý bólimsheleriniń meńgerýshileri men dárigerleri, Pedıatrııa ortalyǵy men Kóz aýrýlary qazaq ǵylymı-zertteý ınstıtýtynyń mamandary men rezıdentteri qatysty.
Úsh kúndik semınarda bakterııalyq sepsıs jáne aýrýhanaishilik ınfeksııanyń aldyn alý boıynsha klınıkalyq hattamalar, neonataldyq jeldetýdiń qaýipsizdigi, gospıtaldan tys pnevmonııa, gospıtalishilik ınfeksııa máseleleri, neonataldyq ınvazııalyq emes respıratorlyq demeýdiń qaýipsizdigi, gıpoksııalyq-ıshemııalyq ensefalopatııa jáne zamanaýı emdeý ádisteri, shala týylǵandar retınopatııasy, medısınalyq kómek kórsetýge baılanysty ınfeksııany tómendetý tájirıbesi, týa bitken damý aqaýy bar nárestelerdi ota jasaý aldyndaǵy daıarlaý strategııasy, shala týylǵan balalardyń ómir súrý sapasyn jaqsartý máseleleri qaraldy.
Semınarda reseılik neonatologtar, reanımasııa bólimsheleriniń meńgerýshileri Aleksandr Lı (Sankt-Peterbýrg) jáne Andreı Averın (Chelıabınsk) dárister oqydy, sondaı-aq qazaqstandyq mamandar, medısına ǵylymdarynyń doktorlary, professorlar Tamara Chývakova, Pedıatrııa ortalyǵynyń basshysy Rıza Boranbaeva jáne Neonatologtar kongresiniń basshysy Bekturǵan Karın arnaıy baıandamalar jasady.
Semınar «Shevron» kompanııasy men «AIаLA» qaıyrymdylyq qorynyń qoldaýymen ótkizildi.
Bilim berý semınarlaryn ótkizý jáne tájirıbe almasý jańa týǵan nárestelerge medısınalyq kómek kórsetý sapasyn jaqsartýǵa, ınfeksııalyq aýrýlardyń aldyn-alý profılaktıkalyq sharalaryn kúsheıtýge jáne elimizdegi neonataldyq qyzmetti damytýǵa yqpal etedi.
