Elbasynyń tapsyrmasy boıynsha qurylǵan jáne ımportty almastyrýǵa baǵyttalǵan baǵdarlamany júzege asyrý maqsatyna respýblıkalyq bıýdjetten 600 mlrd teńge bólingen. Bul qarjynyń 200 mlrd teńgesi agroónerkásiptik keshendegi óndiristi jáne qaıta óńdeýdi nesıelendirýge, 400 mlrd teńgesi óńdeýshi ónerkásipke jáne keıbir qyzmet túrlerine baǵyttalady.
Aıta ketý kerek, «Alfarýh Logistic» JShS jobasy – «Qarapaıym zattar ekonomıkasy» baǵdarlamasy boıynsha búgingi kúnde respýblıkadaǵy eń iri joba. Sýbsıdııalaýdyń arqasynda kompanııa Qaraǵandyda iri saýda-logıstıkalyq ortalyq salýǵa kirisken. Bul azyq-túlik taýarlaryn saqtaýǵa jáne tasymaldaý shyǵyndaryn qysqartý esebinen olardyń baǵasyn tómendetýge múmkindik beredi.
– Bul joba oblys ekonomıkasyna ǵana emes, jalpy Qazaqstannyń ekonomıkasyna da oń áserin tıgizedi degen oıdamyz. Biz sapasy jaǵynan ımporttyq taýarlardan kem túspeıtin, alaıda baǵasy anaǵurlym tómenirek otandyq óndiris taýarlaryna qol jetkize alamyz, – deıdi Qaraǵandy oblysy boıynsha «Damý» kásipkerlikti damytý qory» AQ О́F dırektory Tımýr Ekeev.
